Вы тут

Лукашэнка: Крэдыты Кітая трэба скіроўваць на падтрымку прыватнага бізнесу


Такое меркаванне выказаў Аляксандр Лукашэнка падчас наведвання Віцебскага футравага камбіната. Кіраўнік дзяржавы азнаёміўся з тэхналагічнымі працэсамі вытворчасці па вырабу аўчыны і пушніны, а таксама з вытворчасцю гатовых вырабаў. Беларускі лідар таксама наведаў цэхі прадпрыемства, яму прадставілі асартымент выпускаемай прадукцыі.


Паводле слоў кіраўніка дзяржавы, Віцебскі футравы камбінат пасля мадэрнізацыі стаў вельмі салідным прадпрыемствам - падарункам народу да свята. Прэзідэнт растлумачыў, што ён сам, члены ўрада і іншыя вышэйшыя службовыя асобы павінны паказаць людзям, што зроблена за мінулы год, - да 7 лістапада.

Беларускі лідар адзначыў, што ў Беларусі вялікая колькасць нявыбраных камерцыйных кітайскіх крэдытаў, парадку сямі мільярдаў, пры гэтым ёсць яшчэ і танныя. Прэзідэнт расказаў, што не так даўно распарадзіўся, каб спынілі арыентавацца толькі на буйныя прадпрыемствы. «Ёсць талковыя прыватнікі, якіх мы ведаем, не проста шарлатаны з вуліцы, вось ім трэба дапамагаць. Яны за 20-30 мільёнаў створаць нам сотні тысяч працоўных месцаў», - сказаў ён.

На думку Аляксандра Лукашэнкі, не абавязкова выдзяляць на будаўніцтва новых прыватных прадпрыемстваў сотні мільёнаў. За прыкладам далёка хадзіць не трэба: узяць той жа Віцебскі футравы камбінат. У яго рэканструкцыю і мадэрнізацыю інвеставалі парадку 24 мільёнаў долараў, а ў будучыні колькасць працоўных месцаў плануецца павялічыць да 500. Мадэрнізацыяй займаўся холдынг «Марка».

Беларускі лідар пахваліў прадпрыемства і адзначыў, што калі б генеральны дырэктар «Марка» Мікалай Мартынаў сябе не зарэкамендаваў, то ён не размаўляў бы ні пра які холдынг.

Дарэчы, Аляксандр Лукашэнка і сам аддае перавагу прадукцыі «Марка». І на сам камбінат Прэзідэнт прыбыў у чаравіках гэтай фірмы. Ён адзначыў, што на яго абутак звяртаюць увагу і кіраўнікі іншых дзяржаў, напрыклад, Прэзідэнт Казахстана Нурсултан Назарбаеў. Беларускі лідар распавёў аб іх прыватнай гутарцы: казахстанскі лідар пацікавіўся, адкуль у Лукашэнкі такія чаравікі, той назваў беларускага вытворцу, а Назарбаеў не паверыў. У адказ кіраўнік дзяржавы зняў чаравік і прадэманстраваў назва вытворца - «Марка». «І не трэба італьянскае, і не трэба французскае», - дадаў Прэзідэнт.

Даведка

Унітарнае вытворчае прадпрыемства «Віцебскі футравы камбінат» было ўведзена ў строй 30 кастрычніка 1975 года. Яно з’яўляецца адзіным прадпрыемствам нашай краіны, якое спецыялізуецца на перапрацоўцы розных відаў пушна-футравай сыравіны і пашыве вырабаў з яе – адзення, галаўных убораў, аксесуараў.

У адпаведнасці з указам Прэзідэнта аб мерах па развіцці гарбарна-футравай вытворчасці і вытворчасці абутку ў снежні 2013 года сумеснае таварыства з абмежаванай адказнасцю «Марка» набыло «Віцебскі футравы камбінат» у мэтах яго рэканструкцыі, мадэрнізацыі і фінансавага аздараўлення.

З 2014 у рамках інвестыцыйнага праекта па стварэнні і мадэрнізацыі вытворчых магутнасцяў па выпуску абутку да 5 мільёнаў пар у год і рэканструкцыі футравага камбіната з улікам стварэння холдынгу «Марка» на 2013-2024 гады праводзіцца рэканструкцыя і мадэрнізацыя «Віцебскага футравага камбіната» пад вытворчасць футра і швейных вырабаў з яго.

У цяперашні час на плошчах прадпрыемства – сучасная вытворчасць, магутнасць па перапрацоўцы – 300 тысяч шкур аўчыны, 250 тысяч скурак пушной сыравіны ў год і пашыў вырабаў з іх.

За перыяд рэканструкцыі і мадэрнізацыі ўнітарнага прадпрыемства засвоена 43,5 мільёна рублёў інвестыцый у асноўны капітал, пастаўлена 401 адзінка тэхналагічнага абсталявання, створана каля 300 рабочых месцаў.

Уладзіслаў ЛУКАШЭВІЧ

г. Віцебск

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.