Вы тут

СГА адзначае важнасць маючага адбыцца далучэння Беларусі да арганізацыі


Сусветная гандлёвая арганізацыя лічыць важным уступленне ў яе рады Беларусі. Пазіцыю арганізацыі агучыў напярэдадні намеснік генеральнага дырэктара СГА Алан Вулф на сустрэчы з міністрам эканомікі Беларусі Дзмітрыем Крутым, паведамілі БЕЛТА ў Мінэканомікі.


Дзмітрый Крутой асвятліў работу па вырашэнні найбольш актуальных пытанняў у парадку дня далучэння Беларусі да Сусветнай гандлёвай арганізацыі, якія ўваходзяць у кампетэнцыю Мінэканомікі (інвестыцыйны рэжым, прамысловая палітыка і прамысловыя субсідыі, звязаныя з гандлем інвестыцыйныя меры, гандаль паслугамі і інш.). Акрамя таго, ён пацвердзіў прыхільнасць Беларусі да норм і правіл СГА, што пакладзены ў аснову права Еўразійскага эканамічнага саюза.

Міністр эканомікі выказаў удзячнасць за падтрымку ў перагаворным працэсе па далучэнні Беларусі да СГА, расказалі ў Міністэрстве. У сваю чаргу Алан Вулф заявіў аб важнасці далучэння Беларусі да шматбаковай гандлёвай сістэмы і падтрымаў імкненне краіны стаць паўнапраўным членам СГА ў час Міністэрскай канферэнцыі СГА, якая пройдзе ў 2020 годзе ў Астане. Пры гэтым намеснік гендырэктара СГА нагадаў, што для дасягнення гэтай мэты Беларусі неабходна завяршыць усе перагаворныя трэкі да канца 2019 года.

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.