Маршрутнае таксі сутыкнулася з аўтобусам ў сталічным мікрараёне Кунцаўшчына, паведамілі ва УДАІ Мінгарвыканкама.
Аварыя адбылася ў аўторак каля поўдня. Паводле звестак ДАІ, кіроўца маршрутнага таксі рухаўся па вуліцы Матусевіча і сутыкнуўся з аўтобусам, які ехаў у той жа паласе.
"У выніку ДТЗ сем чалавек шпіталізаваны ў БХМД для пастаноўкі дыягназу" - адзначылі ва УДАІ.
На месцы аварыі працуюць супрацоўнікі Дзяржаўтаінспекцыі, ўстанаўліваюцца ўсе абставіны здарэння. Наколькі сур'ёзныя траўмы атрымалі пацярпелыя пры ДТЗ, пакуль невядома.
Гэтая аварыя стала другім рэзанансным здарэннем за суткі з мінскім грамадскім транспартам. Так, раніцай у аўторак з рэек сышоў трамвай №3, які рухаўся ў бок Серабранкі. Пры гэтым інцыдэнце ніхто не пацярпеў.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
