Італьянка Даратэя Вірэр перамагла ў спрынце на этапе КС па біятлоне

Італьянская біятланістка Даратэя Вірэр перамагла ў спрынце на другім этапе Кубка свету ў аўстрыйскім Хохфільцэне (Аўстрыя), паведамляе БЕЛТА.

Адна з лідараў сезона паказала добры ход па лыжні і, нягледзячы на адзін промах пры стральбе стоячы, змагла паказаць рэзультат 21 мін. 04,9 сек. (0+1). Усяго 0,6 сек. прайграла пераможцы Кайса Мякярайнен з Фінляндыі (0+1). Бронзавым прызёрам стала расіянка Кацярына Юрлава-Перхт - +24,4 сек. (0+0).

Беларуская біятланістка Ірына Крыўко стартавала ў ліку першых удзельніц спрынту і змагла размясціцца на высокім шостым месцы - +38,5 сек. (0+0).

Алімпійская чэмпіёнка Пхёнчхана ў эстафеце Дзінара Алімбекава завяршыла выступленне на 40-м месцы - + 1 мін. 42,4 сек. (0+1), Ганна Сола размясцілася на 66-й пазіцыі падагульняючага пратакола - +2 мін. 23,9 сек. (0+2), Ірына Кручынкіна заняла 70-е месца - +2 мін. 38,2 сек. (2+2). Дар'я Юркевіч стала 76-й - +2 мін. 49,9 сек. (0+1).

Другі этап Кубка свету па біятлоне прадоўжыцца 14 снежня спрынтарскай гонкай у мужчын, а 15 снежня ў Хохфільцэне адбудуцца дзве гонкі праследавання.