Пяць арганізацый прапануюць беспрацоўным мінчанам варыянты працаўладкавання на трох міні-кірмашах вакансій, якія пройдуць у сталіцы 18-20 снежня, паведамілі БЕЛТА ў камітэце па працы, занятасцi i сацыяльнай абароне Мінгарвыканкама.
Першы кірмаш адбудзецца 18 снежня ў аддзеле абслугоўвання грамадзян №2 упраўлення занятасці насельніцтва камітэта па працы, занятасцi i сацыяльнай абароне Мінгарвыканкама (пр.Любімава, 14). Вакансіі прапануюць прадстаўнікі ТАА "Ресттрэйд" (сетка магазінаў "Дыяніс"), ЖЭУ №1 Маскоўскага раёна.
19 снежня ў аддзеле абслугоўвання грамадзян №1 (вул.Я.Коласа, 69) можна будзе пазнаёміцца з прапановамі дзяржаўнага прадпрыемства "БудМедыяПраект" і ТАА "Рэсттрэйд".
Суіскальнікаў працоўных месцаў запрашаюць 20 снежня ў аддзел абслугоўвання грамадзян №3 (вул.Шчарбакова, 32). Тут вакансіі прапануюць "Рэмаўтадар" Партызанскага раёна, ССУ №4 дзяржаўнага прадпрыемства "Упраўленне дарожна-маставога будаўніцтва і добраўпарадкавання Мінгарвыканкама", ТАА "Ресттрэйд".
Усе мерапрыемствы будуць праходзіць з 10.00 да 12.00. Зацікаўленыя ў працаўладкаванні змогуць даведацца аб наяўнасці вакансій, умовах працы і аплаце, пракансультавацца па пытаннях занятасці, перанавучання, атрымання субсідый на арганізацыю ўласнай справы.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?