У Бабруйскім раёне мужчына вырашыў, што яго атруціла жонка, і патэлефанаваў ва ўсе экстранныя службы, паведамляе газета "Трыбуна працы". Як высветлілася пазней, мужчыну наўпрост нельга было піць алкаголь.
Аб выпадку, які адбыўся ў вёсцы Бабіна-1 пад Бабруйскам 22 лістапада, стала вядома толькі цяпер. 64-гадовы мясцовы жыхар патэлефанаваў у хуткую, міліцыю і нават МНС і сказаў, што яго атруціла жонка. На месца выехалі міліцыянты, якія ўбачылі, што чалавек, які тэлефанаваў, моцна п'яны.
Пазней высветлілася, што напярэдадні жонка дала яму заспакаяльнае, якое прапісаў мужчыну лекар. Лекі несумяшчальныя з алкаголем, але мужчына пасля яго прыёму ўсё роўна выпіў, яму стала дрэнна.
За заведама ілжывае паведамленне мужчына можа заплаціць штраф у памеры ад 4 да 15 базавых велічынь, або ад 98 да 367,5 рубля.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
