Вы тут

Калядныя вячоркі


Калядныя вячоркі

Няхай і напрыканцы месяца, але снежань усё ж апраўдаў сваю назву. Разам з першымі снегападамі прыйшло адчуванне святаў і надзея на калядныя цуды. Менавіта такой, святочна-цудоўнай, і стала чарговая літаратурная сустрэча ў межах ініцыятывы «Маладосць» & «Маладосць» -- праекта аднаіменных часопіса і кнігарні ААТ “Белкніга”.

З чаго звычайна пачынаюцца калядныя вечарыны? Ну, напэўна ж з прывітальных слоў гаспадара. Не стаў адступаць ад гэтай традыцыі і загадчык кнігарні «Маладосць» Юрый Левановіч, які павіншаваў усіх прысутных з галоўнымі зімовымі святамі і выказаў надзею, што чырвоныя дні календара і далей будуць цудоўнай падставай для сустрэч у нашым новым, агульнамаладосцеўскім фармаце.

Мадэратар і галоўны рухавік імпрэзы Маргарыта Латышкевіч прапанавала бавіць святочны час так, як гэта рабілі нашы продкі – з песнямі, гісторыямі і варажбой! Але варажбой не звычайнай, а (вядома ж!) літаратурнай.

За першы пункт праграмы адказвала Марына Дубень са студэнцкага этнафальклорнага гурта “Багач”, якая навучыла ўсіх жадаючых (нежадаючых, дарэчы, не было) правільна спяваць калядныя песні. Вынікі ўразілі – усяго за нейкія 10 хвілін склаўся сапраўдны літаратурны хор, які нават не сорамна было б адпраўляць на гастролі. Ну чым не калядны цуд?

Далей падышла чарга паэтаў. Алесь Емяльянаў-Шыловіч, Дзмітрый Шулюк і Віктар Лупасін падзяліліся з гасцямі вячорак сваімі каляднымі ўспамінамі і дазволілі кожнаму зазірнуць у будучыню скрозь прызму сваіх вершаў.

Дзе паэзія, там і проза. Сваё святочнае апавяданне прачытала Кацярына Захарэвіч. З ім, дарэчы, можна будзе пазнаёміцца ў “Маладосці” № 12 (калядны выпуск).

Новы рэдактар аддзела паэзіі Аксана Ючкавіч прачытала свае вершы і пазнаёміла ўсіх з традыцыяй вігілій. Прычым на ўласным прыкладзе. Дапамагала ёй у гэтым навучэнка Мінскага дзяржаўнага музычнага каледжа імя М. I. Глінкі Ганна Мазец, якая акампаніравала на флейце.

Cветлай хрысціянскай паэзіяй парадавалі гасцей вечара Вольга Качалка і Юлія Шэдзько – прадстаўніцы часопіса «Ave Maria» і выдавецтва «PRO CHRISTO». А ў фінале імпрэзы ўсіх чакаў салодкі сюрпрыз – калядныя пернікі ад галоўнага рэдактара “Маладосці”.

Наступным разам у той самы час, на тым самым месцы (а 16-й на Багдановіча, 68) сустракаемся 9 снежня.

Сустрэчы праекта часопіса і кнігарні пад шыльдай «Маладосць» & «Маладосць» заўсёды цікавыя. Далучайцеся!

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.