Прэзідэнт Рэспублікі Зімбабвэ Эмерсан Мнангагва сёння узяў удзел ва ўрачыстай цырымоніі адкрыцця офіса Ганаровага консульства гэтай краіны ў Мінску, перадае БЕЛТА.
Зімбабвійскі кіраўнік дзяржавы сумесна з намеснікам міністра замежных спраў Беларусі Андрэем Дапкюнасам перарэзалі чырвоную стужку, тым самым даўшы старт дзейнасці Ганаровага консульства Зімбабвэ ў Беларусі. "Для мяне вялікі гонар узяць удзел у гэтай урачыстай цырымоніі, якая сведчыць пра рост кантактаў паміж Зімбабвэ і Беларуссю", - сказаў Эмерсан Мнангагва.
У сваю чаргу ганаровы консул Зімбабвэ ў Беларусі Аляксандр Зінгман адзначыў важнасць дадзенага мерапрыемства. Ён сказаў, што беларускі бок гасцінна прымае зімбабвійскую дэлегацыю, і запэўніў у тым, што Ганаровае консульства будзе прыкладаць належныя намаганні для далейшага развіцця беларуска-зімбабвійскага супрацоўніцтва.
Дыпламатычныя адносіны паміж Беларуссю і Рэспублікай Зімбабвэ устаноўлены 16 красавіка 1992 года. Пасол Беларусі ў ПАР акрэдытаваны ў Зімбабвэ па сумяшчальніцтве з красавіка 2018 года. Пасол Зімбабвэ ў Расіі акрэдытаваны ў Беларусі па сумяшчальніцтве з чэрвеня 2016 года.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?