Вы тут

Пасол Беларусі сустрэўся з членамі групы дружбы ў Сенаце Францыі


Пасол Беларусі Ігар Фісенка сустрэўся з членамі групы дружбы ў Сенаце Францыі.


Надзвычайны і Паўнамоцны Пасол Рэспублікі Беларусь у Французскай Рэспубліцы наведаў верхнюю палату парламента Францыі. Там прайшла сустрэча з членамі групы дружбы «Францыя — Беларусь». З французскага боку на мерапрыемстве прысутнічалі прэзідэнт групы дружбы Шарль Генэ, а таксама яе члены: прэзідэнт камісіі па фінансах Сената Вінсэнт Эбле і сенатары Рэнэ Данэсі, Фларэнс Лазард і Мары Мерсье.

Дыпламат і сенатары абмеркавалі планы развіцця беларуска-французскіх адносін на гэты год. Так, напрыклад, запланавалі правядзенне двухбаковых сустрэч парламентарыяў дзвюх краін, казалі пра развіццё культурнага супрацоўніцтва, а таксама арганізацыю мерапрыемстваў эканамічнага характару.

У рамках гуманітарнага супрацоўніцтва бакі абмеркавалі ўдзел прадстаўнікоў Францыі ў ІІ Еўрапейскіх гульнях, якія павінны прайсці ў чэрвені ў Мінску.

Асаблівую ўвагу ўдзельнікі сустрэчы ўдзялілі візіту французскіх сенатараў у Беларусь у красавіку. Гэта будзе першы візіт членаў групы дружбы «Францыя — Беларусь» у нашу краіну. Летась, упершыню ў гісторыі беларуска-французскіх адносін, Сенат Францыі прыняў рашэнне стварыць групу дружбы з Беларуссю. Дзейнасць групы накіравана на пашырэнне супрацоўніцтва пабрацімскіх гарадоў Беларусі і Францыі, усталяванне прамых кантактаў паміж дзелавымі коламі, развіццё двухбаковых адносін у інвестыцыйнай, сельскагаспадарчай, экалагічнай і іншых сферах.

Наталля ТАЛІВІНСКАЯ

Загаловак у газеце: Напярэдадні парламенцкага візіту

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.