Вы тут

12 тысяч рублёў заплацяць браканьеры, затрыманыя на вадасховішчы


Рыбакоў-нелегалаў выявілі работнікі Мікашэвіцкай міжрайінспекцыі на вадасховішчы Лактышы ў Ганцавіцкім раёне. Два мужчыны выкарыстоўвалі забароненыя сеткі, даўжыня якіх складала каля 300 метраў. Такім незаконным спосабам яны змаглі злавіць 68 асобін розных відаў рыб -- у асноўным ляшча і шчупака агульнай вагай 41,5 кілаграма.


Да лоўлі жыхары Ганцавіч падрыхтавалі грунтоўна – прыхапілі не толькі сеткі, але і рыбалоўныя касцюмы з капюшонам. Парушальнікаў затрымалі з доказамі віны, як толькі тыя загрузілі ўлоў і рыштунак у багажнік аўтамабіля. Каб браканьеры не змаглі збегчы, інспектарам давялося заблакаваць дзверы аўто. Маладыя людзі не хацелі адкрываць багажнік, але вымушаны былі зрабіць гэта пасля прыбыцця на месца супрацоўнікаў РАУС.

Паколькі ў У Брэсцкай вобласці ўжо ідзе нераст і ўстаноўлены абмежаванні на лоўлю рыбы, нанесеная браканьерамі шкода вылічваецца ў трайным памеры. У гэтым выпадку сума складае больш за 12 тысяч рублёў. Распачата крымінальная справа, аўтамабіль арыштаваны. Браканьерам пагражае да шасці гадоў пазбаўлення волі.

Як паведамілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь, напярэдадні гэтага затрымання па ініцыятыве інспекцыі супрацоўнікі рыбгаса “Лактышы” пратралілі вадаём і вынялі каля 800 метраў сетак -- якраз у тым месцы, дзе пазней з'явіліся браканьеры. Не выключана, што гэта была іх не першая вылазка сюды са злачыннымі намерамі.

Сяргей РАСОЛЬКА

Выбар рэдакцыі

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце. 

Эканоміка

На «ТІБО-2019» Белпошта паказала новыя тэхнічныя цікавінкі

На «ТІБО-2019» Белпошта паказала новыя тэхнічныя цікавінкі

Якія неўзабаве ўвойдуць у прафесійны побыт.

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!