22 кастрычніка, чацвер

Вы тут

Навіны сталіцы


Мінск разлічвае развіць супрацоўніцтва з Ташкентам да пабрацімства і ўмацавання ўзаемадзеяння на ўсіх узроўнях. Пра гэта заявіў намеснік старшыні Мінгарвыканкама Арцём Цуран на сустрэчы з дэлегацыяй хакіміята Ташкента ў гарадской ратушы, паведаміла БелТА. Адна з задач — нарошчванне цікавасці да брэнда Мінска, яго спартыўнага і турыстычнага патэнцыялу. «Цікавыя калегам і нашы напрацоўкі ў сферы адукацыі і аховы здароўя. Што датычыцца рэальнага сектара, то абмяркуем стварэнне сумесных вытворчасцяў і развіццё існуючых», — дадаў намеснік старшыні Мінгарвыканкама. Дэлегацыя на чале з намеснікам хакіма Дзілбар Нажмутдзінавай знаходзіцца ў Мінску 15—18 красавіка. Па выніках сустрэчы бакі падпісалі пагадненне аб гандлёва-эканамічным, навукова-тэхнічным і культурным супрацоўніцтве.


Два новыя фантаны — у раёне Нацыянальнай бібліятэкі і каля будынка Вярхоўнага суда — запусцяць у Мінску ў гэтым сезоне, які пачнецца 26 красавіка, паведаміў карэспандэнту БелТА галоўны інжынер УП «Мінскзелянбуд» Уладзімір Бабіўскі. Фантан па вуліцы Язмінавай у раёне Нацыянальнай бібліятэкі будзе святломузычным. Некаторыя мінскія фантаны ў гэтым сезоне па выхадных і святочных днях стануць працаваць даўжэй, чым звычайна. Усяго на балансе прадпрыемства «Мінскзелянбуд» 34 фантаны. Сярод іх фантан-шырма — з распыленнем вады веерам на 180 градусаў (у раёне Нацыянальнай бібліятэкі), велічны фантан перад Нацыянальным акадэмічным Вялікім тэатрам оперы і балета, лідар па колькасці струменяў на плошчы Незалежнасці, самы магутны і высокі фантан на вадзе — «Ветразь», самы старажытны — «Хлопчык з лебедзем» у Аляксандраўскім скверы (устаноўлены ў 1874 годзе, а ў 2016-м адрэстаўраваны).

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.