Вы тут

Фестывальныя «прыступкі» ў свет літаратуры


Выдавецкі дом «Звязда» стаў удзельнікам фестывалю «PROдвижение КНИГИ. Библиотечные ступени», што адбыўся ў Карэліцкай раённай бібліятэцы.


Мерапрыемства, прымеркаванае да Года малой радзімы, 75-годдзя вызвалення Беларусі ад нямецка-фашысцкіх захопнікаў і 75-годдзя ўтварэння Гродзенскай вобласці, сабрала пад адным дахам бібліятэкараў, выдаўцоў, пісьменнікаў і чытачоў. 

«Гэты фестываль — цудоўная магчымасць не толькі прадставіць новыя выданні, але і падзякаваць усім тым, для каго кніга — не пусты гук», — адзначыла начальнік аддзела ідэалагічнай работы, культуры і па справах моладзі Карэліцкага райвыканкама Іна Санчук. 

Наведвальнікі літаратурнага свята змаглі пазнаёміцца не толькі з лепшымі кнігамі беларускіх выдавецтваў (акрамя «Звязды», у Карэлічы завіталі «Мастацкая літаратура», «Книжный дом», «Регистр»), але і з аўтарамі некаторых твораў. 

Журналіст, спартсмен, пісьменнік Міхаіл Лучыцкі прэзентаваў ваенна-прыгодніцкі раман пра падзеі часоў Другой сусветнай вайны «Десять тысяч полетов стрелы». 
Пісьменніца і прадзюсар Валерыя Фамінова падрыхтавала літаратурна-музычнае выступленне па матывах свайго раману «Это». 

А добра вядомы юным чытачам аўтар Выдавецкага дома «Звязда» Павел Гушынец прадставіў кнігу «Девочка и крокодил», ды не адзін, а з сааўтарам — дачкой Соняй. 

Вось такімі «рознафарматнымі» сталі «прыступкі» ў свет літаратуры, якія падрыхтавала для аматараў чытання Карэліцкая раённая бібліятэка.

Выбар рэдакцыі

Культура

Чаму на захадзе Беларусі «праклятыя салдаты» і сёння ўзгадваюцца з жахам?

Чаму на захадзе Беларусі «праклятыя салдаты» і сёння ўзгадваюцца з жахам?

Тэма антысавецкага падполля падчас ВАВ — складаная тэма ў гісторыі.

Палітыка

Крызіс на мяжы. Уся аператыўная інфармацыя на аўторак (абнаўляецца)

Крызіс на мяжы. Уся аператыўная інфармацыя на аўторак (абнаўляецца)

Аператыўная інфармацыя з беларуска-польскай мяжы.

Грамадства

Новы каранавірус. Што вядома пра штам «Амікрон»

Новы каранавірус. Што вядома пра штам «Амікрон»

 Яго знайшлі ў краінах Паўднёвай Афрыкі, у прыватнасці, у ПАР і Батсване.