Каля адной з цэркваў у горадзе Каломба на Шры-Ланцы адбыўся выбух, піша meduza.io.
Па папярэдніх дадзеных, паведамляе Reuters, выбуховае прыстасаванне, закладзенае ў грузавік, спрацавала, калі сапёры спрабавалі яго абясшкодзіць. Аб пацярпелых не паведамляецца.
- 21 красавіка на Шры-Ланцы адбыліся восем выбухаў у гатэлях і каталіцкіх цэрквах, дзе ў той момант праходзілі набажэнствы ў гонар Вялікадня. Загінулі 290 чалавек, у тым ліку замежнікі, больш за 500 атрымалі раненні.
- Улады краіны ўсклалі адказнасць за тэракты, у якіх удзельнічалі смяротнікі, на мясцовую ісламісцкую групоўку "Таўхід джамаат".