Вы тут

Беларускія школьнікі заваявалі 7 медалёў на канферэнцыі ў Малайзіі


26-я Міжнародная канферэнцыя юных навукоўцаў  (ICYS-2019) праходзіла з 19 па 25 красавіка ў г. Куала Лумпур. У ёй прынялі ўдзел школьнікі  з 26 краін свету, якія прадставілі свае даследаванні па фізіцы, матэматыцы, інфарматыцы і экалогіі.


У праграму канферэнцыі былі ўключаны даклады-прэзентацыі, падчас якіх удзельнікі  прадстаўлялі свае даследаванні прафесійнаму журы на англійскай мове. У склад міжнароднага журы ўвайшлі вядучыя навукоўцы і практыкі, запрошаныя аргкамітэтам з розных краін і універсітэтаў Еўропы, Азіі і Афрыкі.

Ад Беларусі на канферэнцыю было прадстаўлена шэсць дакладаў па матэматыцы, фізіцы і экалогіі. Яны былі адабраныя па выніках правядзення рэспубліканскіх конкурсаў работ даследчага характару. Дадаткова прэтэндэнты на ўдзел у міжнароднай канферэнцыі прайшлі сумоўе на веданне англійскай мовы.

Па выніках ICYS-2019 прадстаўнікі беларускай школы сталі ўладальнікамі сямі медалёў.

Два залатыя медалі заваявалі Роўба Раман (навучэнец 11 класа гомельскай сярэдняй школы №44 і Пячонкін Аляксандр (навучэнец 11 класа гімназіі №71 г. Гомеля). Сярэбраным  медалём узнагароджаны Ілья Няфёдаў (навучэнец 8 класа гімназіі №1 г. Віцебска). Бронзавыя медалі ў Кірыла Макаранкі (11 клас ліцэя БНТУ) і Дзмітрыя Скарабагатага (11 клас мінскай гімназіі №38).

Яшчэ двума медалямі былі ўзнагароджаны за лепшыя постары  Антон Суравежкін  (навучэнец 11 класа сталічнай гімназіі №29) і Дзмітрый Скарабагаты.

Надзея НІКАЛАЕВА

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Культура

«Беларусьфільм» паказаў свой найцікавейшы фільм за апошні час. Ён пра вайну

«Беларусьфільм» паказаў свой найцікавейшы фільм за апошні час. Ён пра вайну

«Як думаеш, а заўтра нехта пра нас успомніць?» — пытаецца на вялікім экране адзін ветэран у другога і атрымлівае абнадзейлівы адказ. 

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.