Выжыць! І жыць

Малавядомыя старонкі з жыцця супляменнікаў у Сібіры прыадкрывае чаромхаўскі беларус Васіль Ракіта ў кнізе “Монте­Касино. Черемхово”

Гэта даніна памяці беларусам, якія ваявалі супраць фашыстаў у Арміі генерала Андэрса, удзельнічалі ў бітве пад Монтэ-Касіна. І — былі сасланыя з сем’ямі сталінскім рэжымам у 1950-51 гадах у горад Чаромхава Іркуцкай вобласці. Прэзентацыя кнігі прайшла 26 красавіка па ініцыятыве Іркуцкага беларускага клуба “Крывічы” ў Абласной юнацкай бібліятэцы.

На імпрэзу прыйшлі дзеці, унукі салдат-андэрсанаўцаў, расказвалі пра сваіх бацькоў і дзядоў, якія былі героямі.

Пятрусь Арэшка