Вы тут

Прадукты Google не будуць працаваць на новых дэвайсах Huawei


Google Play і Google Play Protect працягнуць працаваць у карыстальнікаў, якія ўжо купілі смартфоны Huawei, распавядае ria.ru са спасылкай на Reuters.


Раней стала вядома, што амерыканская карпарацыя прыпыніла супрацоўніцтва з кітайскай кампаніяй Huawei з-за яе ўнясення ў чорны спіс урада ЗША.

Па дадзеных суразмоўцаў Reuters, на гаджэтах Huawei перастане абнаўляцца Android, а ў смартфонаў наступных пакаленняў увогуле не будзе доступу да сэрвісаў Google - ні да крамы дадаткаў Google Play, ні да браўзера, ні да пошты, ні да картаў, ні да перакладчыка.

У карпарацыі дадалі, што спрабуюць разабрацца з наступствамі рашэння амерыканскіх уладаў. Ніякіх іншых падрабязнасцяў яны не паведамілі.

Пазней агенцтва Блумберг паведаміла, што такія амерыканскія фірмы, як Broadcom Limited, Xilinx, Qualcomm і Intel, якія працуюць у сферы інфармацыйных тэхналогій, прыпынілі пастаўкі праграмнага забеспячэння і абсталявання кітайскай кампаніі Huawei.

У сваю чаргу, афіцыйны прадстаўнік МЗС КНР Лун Кан заклікаў кітайскія кампаніі абараняць свае правы юрыдычнымі метадамі.

Раней Міністэрства гандлю ЗША заявіла, што мае намер унесці Huawei ў чорны спіс за "дзейнасць, якая супярэчыць нацыянальнай бяспецы ЗША".

Выбар рэдакцыі

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн. 

Грамадства

З першых вуснаў: ад чаго трэба абараняць дзяцей? Адказваюць самі малыя

З першых вуснаў: ад чаго трэба абараняць дзяцей? Адказваюць самі малыя

Дзеці «звяздоўцаў» адказалі вусна, пісьмова, друкавана і нават у малюнках.