Вы тут

Дырэктар сельгаспрадпрыемства Рагачоўскага раёна прадаў каля 50 кароў па заніжанай цане


Жлобінскі міжраённы аддзел упраўлення Дэпартамента фінансавых расследаванняў Камітэта дзяржкантролю па Гомельскай вобласці выявіў факт злоўжывання службовымі паўнамоцтвамі былым кіраўніком сельскагаспадарчага прадпрыемства Рагачоўскага раёна, паведамілі ў прэс-цэнтры КДК.


Устаноўлена, што дырэктар адкрытага акцыянернага таварыства са студзеня 2018 года па люты 2019-га даваў указанні аб продажы буйной рагатай жывёлы фермеру з суседняга раёна па цане значна ніжэй за сабекошт. Усяго за названы перыяд было рэалізавана 49 кароў (фермер набываў іх для наступнага перапродажу).

Пры гэтым афармляліся дакументы, згодна з якімі БРС куплялі работнікі гэтага ж сельгаспрадпрыемства. Сваімі дзеяннямі кіраўнік ААТ, якое ён узначальвае, прычыніў шкоду на агульную суму больш за Br37 тыс. За злоўжыванне службовымі паўнамоцтвамі, якое пацягнула цяжкія наступствы, Рагачоўскім райаддзелам Следчага камітэта ў дачыненні да экс-дырэктара сельгаспрадпрыемства распачата крымінальная справа па ч.3 арт.424 КК.

Выбар рэдакцыі

Грамадства

​Як беларускія вучоныя ствараюць умовы для бліскучых перамог

​Як беларускія вучоныя ствараюць умовы для бліскучых перамог

Спартыўныя дасягненні чалавека прыблізна на 75 % залежаць ад яго генетыкі. 

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.