Вы тут

3D-веламарафон збярэ найлепшых у акцыі “Аднаўленне святынь. Крыніцы Беларусі”


19 верасня ў Мінску Беларускі рэспубліканскі саюз моладзі падвядзе вынікі міжканфесійнай рэспубліканскай дабрачыннай акцыі “Аднаўленне святынь. Крыніцы Беларусі”.


У мерапрыемстве прымуць удзел паўсотні самых актыўных валанцёраў руху БРСМ "Добрае Сэрца” з усіх рэгіёнаў краіны. Адкрые праграму ўрачыстая цырымонія ўшанавання добраахвотнікаў у Храме-помніку ў гонар Усіх святых і ў памяць аб ахвярах, выратаванню Айчыны нашай паслужыўшых. Падзякі за добрыя справы маладыя людзі атрымаюць з рук прадстаўнікоў духавенства вядучых рэлігійных канфесій Беларусі. У сваю чаргу валанцёры раскажуць святарам пра крыніцы, якія яны добраўпарадкоўвалі ў гэтым годзе, і перададуць у дар збаны з крынічнай вадой, паведамілі ў ЦК БРСМ.

Разынкай праграмы стане веламарафон “3D: Дарогамі Добрых Спраў” па культавых і гістарычных аб'ектах Мінска па маршруце: Храм-помнік -- шматфункцыянальны комплекс “Дом Міласэрнасці” -- мемарыяльны знак ва ўрочышчы Курапаты -- Храм-помнік у гонар Усіх святых. Партнёрам марафону, падчас якога разам з моладдзю круціць педалі веласіпеда плануе і настаяцель Усіхсвяцкага прыходу протаіерэй Фёдар Поўны, выступіла беларускае прадпрыемства ААТ “Мотавела”.

Кожны прыпынак на маршруце арганізатары напоўнілі элементамі стваральнай дабрачыннасці. Да прыкладу, на тэрыторыі Храма-помніка з'явіцца яшчэ адзін арт-аб'ект (нагадаем, раней валанцёры руху  “Добрае Сэрца” ўжо ўстанавілі тут дызайнерскую лаўку). Графіці-майстры распішуць сцяну фасада трансфарматарнай падстанцыі. У аснову сюжэту карціны пакладзена тэма роднай прыроды.

Наступны прыпынак веламарафон зробіць каля Дома міласэрнасці, дзе добраахвотнікі БРСМ сумесна з навучэнцамі Нядзельнай школы закладуць з туй “Алею жыццёвых дрэў”.

Далейшы маршрут руху веламарафонцаў праляжа праз урочышча Курапаты. Юнакі і дзяўчаты ўскладуць да мемарыяла кветкі.

Рэспубліканская дабрачынная акцыя “Аднаўленне святынь Беларусі” рэалізуецца БРСМ з 2013 года. У 2016 годзе праект пры падтрымцы Апарата Упаўнаважанага па справах рэлігій і нацыянальнасцей Рэспублікі Беларусь атрымлівае статус “міжканфесійны” і праводзіцца з удзелам вядучых рэлігійных канфесій. У Год малой радзімы БРСМ прыўнёс у праект дапаўненні і нацэліў моладзь на добраўпарадкаванне святых крыніц. Старт маладзёжнай акцыі “Аднаўленне святынь. Крыніцы Беларусі” адбыўся 12 красавіка ў вёсцы Пустынкі Мсціслаўскага раёна. Валанцёры рух “Добрае Сэрца” і байцы студэнцкіх атрадаў добраўпарадкавалі тэрыторыю Свята-Пустынскага Успенскага мужчынскага манастыра і адну з трох яго гаючых крыніц. У 2019 годзе добраахвотнікі БРСМ добраўпарадкавалі больш за 150 крыніц, а таксама 100 культавых аб'ектаў па ўсёй Беларусі.

Сяргей РАСОЛЬКА

Выбар рэдакцыі

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».

Грамадства

Як i калi прыняць спадчыну, атрымаць яе i захаваць?

Як i калi прыняць спадчыну, атрымаць яе i захаваць?

Карэспандэнту «Звязды» дапамагалi разбiрацца спецыялiсты.

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.