Вы марылі стаць тэлевядучым, але ўсё неяк не складвалася? Магчыма, зоркі сыдуцца гэтым разам: канал АНТ абвясціў кастынг новых вядучых — мужчын, ва ўзросце ад 30 гадоў і старэйшых, з выдатным валоданнем беларускай і рускай мовамі.
Сярод іншых умоў адбору — вышэйшая адукацыя, фотагенічнасць, прыемны голас і добрая дыкцыя. А вось вопыт работы ў эфіры не абавязковы, хоць, безумоўна, лішнім не будзе.
Запоўніць заяўку на кастынг можна да 10 кастрычніка на сайце www.ont.by у раздзеле «Праграмы і праекты — Кастынг». Да анкеты, якая, дарэчы, уключае спасылкі на вашы старонкі ў сацсетках, неабходна далучыць 20-секунднае відэа-самапрэзентацыю, знятую гарызантальна на мабільны тэлефон, а таксама два фота: партрэт і агульны план. Хто ведае — можа, новыя тэлепраекты чакаюць менавіта вас?
Вікторыя ЗАХАРАВА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
