Вы тут

Прадстаўнікі ўкраінскіх СМІ аб сустрэчы з Аляксандрам Лукашэнкам


Сустрэча Аляксандра Лукашэнкі з прадстаўнікамі ўкраінскіх СМІ была грунтоўнай і насычанай. Такі пункт гледжання выказаў журналістам галоўны рэдактар украінскай газеты «Урядовий кур'єр» Сяргей БРАГА.

Кіраўнік выдання назваў шчырай і адкрытай праведзеную размову, падчас якой былі закрануты самыя разнапланавыя тэмы, у тым ліку і вострыя палітычныя, эканамічныя. «Аляксандр Лукашэнка досыць добра інфармаваны пра сітуацыю ва Украіне, у яго свой погляд на гэта. І гэты погляд чымсьці адрозніваецца ад таго, які мы чакалі пачуць. У чымсьці ён нас пераканаў, у чымсьці не», — сказаў галоўны рэдактар.

Ён застаўся задаволены сустрэчай — «галоўнае, што з першых вуснаў пачулі аб пытаннях, якія нас хвалююць».

Галоўны рэдактар тэлеканала «Україна» Юрый СУГАК таксама станоўча ацаніў вынікі размовы: «Грунтоўна, такая магчымасць пагаварыць з Прэзідэнтам бывае нячаста».

Па словах генеральнага дырэктара інфармацыйнага агенцтва «Укрінфарм» Аляксандра Харчанкі, асаблівая каштоўнасць такіх сустрэч у магчымасці асабістых зносін. «Можна адчуць харызматычнага чалавека, чаго не зробіш на адлегласці, у тэлевізары», — растлумачыў ён.

Аляксандр Харчанка адзначыў узрушальную шчырасць беларускага лідара, яго ўменне «смачна» падаць сваю пазіцыю. «Шмат з якімі яго ацэнкамі мы нават можам не пагадзіцца. Але гэта настолькі самастойнае, глыбокае, асэнсаванае ім разуменне, што гэта выклікае вялікую павагу, нават калі ты з ім і не згодны», — рэзюмаваў ён.

Украінскія журналісты назвалі асабліва важнай сустрэчу напярэдадні Беларуска-ўкраінскага форуму рэгіёнаў у Жытоміры.

Загаловак у газеце: Меркаванні

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.