Вы тут

У Вялікага тэатра Беларусі — новы кіраўнік


1 лістапада Уладзімір Грыдзюшка, які цягам 10 гадоў займаў пасаду генеральнага дырэктара Вялікага тэатра оперы і балета Беларусі, пакінуў службу ў сувязі з заканчэннем працоўнага кантракта. Ужо былы кіраўнік змясціў на афіцыйным сайце ўстановы адкрыты ліст да калектыву, гледачоў і партнёраў, у якім, у прыватнасці, падзякаваў за тое, што «разам мы фарміравалі калектыў прафесіяналаў, рэалізоўвалі буйныя міжнародныя і нацыянальныя праекты, ставілі на сцэне шэдэўры опернага і балетнага мастацтва і паспяхова ўвасаблялі ў жыццё розныя творчыя і сацыяльныя ідэі».


Фота БЕЛТА

У тэатры ўдакладняюць: за час знаходжання Уладзіміра Грыдзюшкі на пасадзе галоўнага дырэктара было зроблена больш за 60 новых пастановак, якія беларускія артысты паказалі не толькі ў сталіцы і рэгіёнах Беларусі, але і ў дзясятках краін свету, ад Германіі да Мексікі і Кітая. Па ініцыятыве былога дырэктара былі заснаваны Міжнародны Калядны оперны форум і конкурс вакалістаў, праект «Вечары Вялікага тэатра ў замку Радзівілаў», Навагодні баль і «Балетнае лета з Вялікім».

5 лістапада ў тэатр прыйшоў новы кіраўнік — Аляксандр Пятровіч. Яго прадставіў калектыву міністр культуры Юрый Бондар. Аляксандр Пятровіч, які з 2010 года ўзначальваў Беларускі дзяржаўны акадэмічны музычны тэатр, паабяцаў неўзабаве прадставіць канцэпцыю развіцця Вялікага тэатра, у прыватнасці, стварэння нацыянальнага рэпертуару, выхавання ўласных кадраў і эфектыўнага выкарыстання бюджэтных сродкаў.

Вікторыя ЗАХАРАВА

Выбар рэдакцыі

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...

Грамадства

​Дзе прызначалі спатканні ў даваенным Мінску?

​Дзе прызначалі спатканні ў даваенным Мінску?

Атрымаць падказкі вам дапаможа экскурсія «Рамантыка мінскіх дворыкаў».