29 верасня, аўторак

Вы тут

Акцыя "Нашы дзеці" стартуе сёння ў Беларусі


Навагодняя рэспубліканская дабрачынная акцыя "Нашы дзеці" стартуе ў Нацыянальным цэнтры мастацкай творчасці дзяцей і моладзі 9 снежня, паведамляе БЕЛТА.


Штогод у час акцыі кіраўнікі міністэрстваў і іншых органаў дзяржкіравання, мясцовых улад, прадстаўнікі грамадскіх арганізацый наведваюць дзіцячыя інтэрнаты і дамы сямейнага тыпу, апякунскія і прыёмныя сем'і, сем'і, якія выхоўваюць дзяцей-інвалідаў, цэнтры карэкцыйна-развіваючага навучання і рэабілітацыі, бальніцы. Яны віншуюць дзяцей з Новым годам, Калядамі і ўручаюць падарункі, аказваюць дапамогу ў вырашэнні бягучых праблем.

Сёлета акцыя будзе праходзіць да 10 студзеня. Пра сваё жаданне паўдзельнічаць заявілі ўжо каля 100 арганізацый. Наведаць у гэтым годзе можна больш за 130 аб'ектаў.

Цэнтральная падзея акцыі - навагодняе свята ў Палацы Рэспублікі ў Мінску. У ім прымуць удзел 2370 дзяцей з усіх рэгіёнаў краіны. Сярод іх выхаванцы кадэцкіх вучылішчаў і спецыялізаваных ліцэяў, пераможцы алімпіяд, творчых конкурсаў, конкурсаў прафесійнага майстэрства і спартыўных спаборніцтваў, навучэнцы, якія дасягнулі поспехаў у грамадскай працы, дзеці-сіроты і дзеці, якія засталіся без апекі бацькоў, дзеці-інваліды, дзеці са шматдзетных і малазабяспечаных сем'яў, сем'яў бежанцаў і іншыя.

Дабрачынныя навагоднія святы для дзяцей пройдуць у час зімовых канікул у абласных цэнтрах і Мінску, а таксама ва ўсіх гарадах і раёнах краіны з удзелам кіраўніцтва аблвыканкамаў і Мінскага гарвыканкама, гарадоў і раёнаў.

У мінулым годзе на падарункі і матэрыяльную дапамогу было пералічана больш за Br1,5 млн. Самымі актыўнымі спонсарамі сталі Беларускі дзіцячы фонд, Беларускі саюз жанчын, БЧ, Беларусбанк, "Еўраопт". У акцыі былі задзейнічаны больш за 230 тыс. дзяцей.

Прэв'ю: pikabu.ru

Выбар рэдакцыі

Рэлігія

Адноўлены Тураўскі крыж паказалі ў Мінску

Адноўлены Тураўскі крыж паказалі ў Мінску

Вячэрняе набажэнства у саборы прайшло, авеянае дарагімі для ўсіх сімваламі вяртання і адраджэння духоўных традыцый.  

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.