Вы тут

На ўсё свой час


Якія матэрыялы ўпрыгожылі снежаньскі нумар часопіса “Родная прырода”?

Фота Дзяніса Іўковіча

18 лістапада 2019 года ў Беларусі ўвайшоў у сілу закон “Аб вытворчасці і абыходжанні арганічнай прадукцыі”, над якім вялася работа больш за пяць гадоў. Што азначае ён для нашай краіны, якія змены нясе, як грынвошынг дыскрэдытуе арганіку – пра гэта чытайце ў матэрыяле “Арганіку – на прылаўкі”.

Яшчэ адна значная навіна ў прыродаахоўнай сферы – у снежні быў прыняты закон “Аб ахове і выкарыстанні тарфянікаў”. Гэта першы дакумент у нашай краіне, які будзе на ўзроўні заканадаўчага акта комплексна рэгуляваць пытанні захавання і рацыянальнага (устойлівага) выкарыстання тарфянікаў. У матэрыяле “Правілы карыстання тарфянікамі” можна даведацца, навошта патрэбны такі закон і якія асноўныя нормы ў ім замацаваны?

“Справа адна, а дапамога і дзецям, і прыродзе”. Так можна вызначыць галоўныя кірункі незвычайнага дабрачыннага праекта “Новае жыццё ў абмен на накрыўкі”, які дзейнічае ў 70 населеных пунктах Беларусі з кастрычніка 2018 года. Яго сутнасць у тым, што неабыякавыя людзі збіраюць накрыўкі ад пластыкавых бутэлек, а выручаныя за іх сродкі накіроўваюць на аказанне дапамогі дзецям, якія маюць патрэбу ў лячэнні ці сродках рэабілітацыі. Як можна далучыцца да гэтага праекта?

У канцы снежня зіма нарэшце вырашыла прыйсці да нас у госці, каб дапамагчы нам стварыць навагодні настрой. Але часам разам са сняжынкамі з неба ляцяць і кроплі дажджу, а халодны вецер разам з марозам “арганізуюць” на мясцовых дарогах і тратуарах каток. Як адрозніць небяспечныя зімнія з’явы і падрыхтавацца да неспрыяльных умоў надвор’я, – у матэрыяле “Асцярожна, галалёд!”

Сёння ў Беларусі з камунальных адходаў збіраецца каля 20 % другасных матэрыяльных рэсурсаў. У асноўным гэтая сыравіна закупляецца ў юрыдычных асоб і грамадзян. Толькі 1,8 % дадаецца з кантэйнераў для раздзельнага збору смецця і крыху больш за 2 % паступае з ліній сартавання. У матэрыяле Асобны збор, але агульны вываз” можна прачытаць, што робіцца ў краіне, каб павялічыць гэтыя паказчыкі.

Напярэдадні святаў Маша Зялёная падрыхтавала свае чарговыя экапарады. На гэты раз размова пойдзе пра бліскаўкі (глітэры). Падаецца, цяпер з бліскаўкамі (глітэрамі) можна знайсці што заўгодна: ад кофты да лаку для валасоў. Аднак ці бяспечныя такія ўпрыгожванні?

Вадаспад Ігуасу, які знаходзіцца на памежжы Бразіліі і Аргенціны, не такі вядомы, як яго паўночнаамерыканскі брат Ніягарскі. Але ён з’яўляецца самым шырокім у свеце вадаспадам. А дакладней, цэлай сеткай з 275 вадаспадаў рознай магутнасці і вышыні, якая расцягнулася на тры кіламетры. А якое легендарнае паходжанне мае Ігуасу?

Вядучы майстар сцэны Вялікага тэатра Беларусі Вікторыя Трэнкіна – само зачараванне ў вобразе Ружы ў балеце “Маленькі прынц”. А які яркі іспанскі тэмперамент у яе Кітры з “Дон Кіхота”! Колькі грацыі, непасрэднасці дэманструе балерына, калі танцуе ў дзіцячых спектаклях! Лёгкую, як пярынка, у прыгожых строях, яе цяжка ўявіць у звычайным жыцці.

Але пасля работы ў Вікторыі такія ж клопаты, як у кожнага з нас, і нават большыя, бо ў яе жывуць тры коткі і адзін кот. Вікторыя Трэнкіна: “Не ўяўляю, якая парода можа быць лепшай за дваровую”.

Запрашаем вас, паважаныя чытачы, у Новы год – з “Роднай прыродай”! Адкажыце, калі ласка, на пытанні нашай анкеты, каб вызначыць любімыя рубрыкі і ўказаць тэмы, якія будуць цікавымі менавіта для вас. Свае адказы можна пакінуць у Google-форме ці адправіць нам пісьмо па электроннай ці звычайнай пошце.

Выбар рэдакцыі

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.