Вы тут

Мінтранс: Цэны на паслугі таксі могуць патаннець пасля прыходу на рынак новых гульцоў


Цэны на паслугі таксі могуць знізіцца яшчэ больш з прыходам на рынак новых гульцоў. Такое меркаванне выказаў сёння першы намеснік міністра транспарту і камунікацый Аляксей Ляхновіч на рабочай сустрэчы ў МАРГ, дзе абмяркоўваліся праблемныя пытанні на рынку паслуг таксі, перадае БЕЛТА.


Фота: onliner.by

Пра свой намер прыйсці ў краіну заявіла яшчэ адна замежная платформа (Bolt. — Прым. «Звязды»). "Такім чынам, тарыфы могуць яшчэ больш упасці, таму што з'явіцца яшчэ адзін канкурэнт на рынку", - выказаў здагадку Аляксей Ляхновіч. Ва ўмовах жорсткай канкурэнцыі, адзначыў ён, усім зацікаўленым трэба разам шукаць шляхі вырашэння, як далей працаваць.

І галоўнае, на што звярнуў увагу першы намеснік міністра, - гэта выкананне заканадаўства. На рынку таксі ўсе працуюць у роўных умовах - як інфармацыйныя платформы, так і традыцыйныя службы таксі. "Усе ў аднолькавых умовах, і давайце ў гэтых умовах працаваць", - звярнуўся прадстаўнік ведамства да прысутных. Гэта датычыцца і патрабаванняў да стажу кіроўцаў, і праходжання iмi медыцынскай камісіі, тэхагляду транспартных сродкаў.

Паводле яго слоў, сёння праблема рынку перавозак аўтамабілямі таксі заключаецца ў асноўным у ігнараванні перавозчыкамі заканадаўства. Каб вырашыць гэтае пытанне, у прыватнасці, зацверджаны комплексны план мер па навядзенні парадку ў сферы аўтаперавозак пасажыраў. У бліжэйшы час азнаёміцца ​​з дакументам можна будзе на афіцыйным сайце Мінтранса.

Падставай для сённяшняй сустрэчы ў МАРГ стаў адкрыты ліст таксістаў, у якім яны выказваюць патрабаванне аб павышэнні кошту паездак. У выпадку, калі патрабаванне застанецца па-за ўвагай, таксісты пагражаюць з 31 студзеня блакаваць дзейнасць дыспетчараў таксі, сэрвісаў або агрэгатараў у працоўныя дні з 7 да 12 гадзін.

У адказ на ліст кіраўнік МАРГ падкрэсліў: "Такім чынам дыялог мы не пабудуем". Уладзімір Калтовіч заклікаў удзельнікаў рынка вырашаць падобныя пытанні ў адкрытым рэжыме. Для гэтага ведамства гатова прад'явіць сваю пляцоўку. Пры гэтым міністр адзначыў, што павінны ўлічвацца інтарэсы абодвух бакоў - як перавозчыкаў, так і пасажыраў.

Выбар рэдакцыі

Грамадства

Які хлеб любяць у Беларусі?

Які хлеб любяць у Беларусі?

У савецкія часы гандаль прапаноўваў пакупніку абмежаваны асартымент хлебабулачных вырабаў. У 1980-я нават у буйных крамах было ўсяго 3-4 найменні хлеба.

Грамадства

Дыхаць на поўныя грудзі. Міфы і праўда аб мамапластыцы

Дыхаць на поўныя грудзі. Міфы і праўда аб мамапластыцы

Прадстаўніцам прыгожага полу заўсёды хочацца нешта змяніць у сваёй знешнасці. І часам жанчыны рашаюцца на кардынальныя крокі.

Культура

Арганізатар імпрэз Дзіяна Краснашапка: Сёння людзі знаходзяцца ў сваіх коканах, але ж для таго і існуюць танцы ды спевы, каб здымаць стрэс, негатыў

Арганізатар імпрэз Дзіяна Краснашапка: Сёння людзі знаходзяцца ў сваіх коканах, але ж для таго і існуюць танцы ды спевы, каб здымаць стрэс, негатыў

Яна ўпэўнена сябе адчувае і ў нацыянальным строі, калі робіць цеста для вясельнага каравая, і ў блакітным футры Снягуркі, калі праводзіць ранішнік для дзетак, і ў шыкоўнай сукенцы пэўнай эпохі, калі выконвае аўтэнтычныя беларускія спевы пад гукі старажытных музычных інструментаў.

Грамадства

Паразуменне падчас капрамонту: праз штрафы ці дамаўленне?

Паразуменне падчас капрамонту: праз штрафы ці дамаўленне?

Культура выканання работ падчас капрамонту ў Беларусі кульгае, а тэхналогія — парушаецца, сведчаць спецыялісты Дзяржбуднагляда.