100slow. Аксана Ючкавіч

100slow

Я стараюся прыгадаць сустрэчу з «Маладосцю» як сустрэчу-знаёмства з першым каханнем... Ды нешта не магу адразу скумекаць, як гэта было: ані з каханнем, ані з часопісам. Прызнаюся шчыра, што не ставілася да сваёй творчасці сур’ёзна, але пісаць мне заўсёды хацелася — па той прычыне, што гэта нагадвае мне гульню. А я люблю гульні. Калі нечакана, калі трэба загадваць або адгадваць, калі трэба імкнуцца да перамогі і плакаць ад паражэння. Вось гэтыя схемы гульні — мае вершы, мае думкі, якія трапляюць у «М». З першым каханнем атрымалася неяк ніяк, а вось з «М» адносіны ўсталяваць удалося, што мяне робіць ну вельмі шчаслівай.

Аксана Ючкавіч