Вы тут

Ужо ў ноч на нядзелю падмарозіць да мінус 10 градусаў


Вось ужо сапраўды сакавік — зменлівы месяц нясмелай вясны. То цёпла і ціха, то месцамі парывісты вецер і начныя замаразкі... Калі ў пятніцу пры ўмераным ветры і 6—12 градусах цяпла будзе камфортна, то ўжо ў нядзелю выпадзе снег, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.


У суботу праз тэрыторыю нашай краіны будзе перамяшчацца халодны атмасферны фронт. Месцамі пройдуць невялікія кароткачасовыя ападкі, у асноўным у выглядзе мокрага снегу. Уначы і раніцай на асобных участках дарог магчымая галалёдзіца. У гэты ж дзень, следам за франтальным падзелам, пачне паступаць паветраная маса з паўночных шырот. Тэмпература паветра ўначы складзе ад мінус 4 да плюс 3 градусаў, па поўначы краіны — да 6 градусаў з мінусам. Удзень будзе ад нуля да плюс 7 градусаў, але з-за парывістага паўночнага ветру дзённая тэмпература будзе адчувацца як 1—6 градусаў марозу.

На наступны дзень, у нядзелю, атмасферны ціск яшчэ вырасце. Уладу над надвор'ем у краіне паступова возьме халодны паўночна-атлантычны антыцыклон, які перамяшчаецца з тэрыторыі Швецыі на краіны Балтыі. Тэмпература паветра ўначы будзе ад мінус 2 да мінус 8 градусаў, у паўночных раёнах пры праясненнях — да мінус 10 градусаў. Удзень будзе ад мінус 2 градусаў да 4 градусаў цяпла. У асноўным абыдзецца без ападкаў, толькі месцамі па паўднёвым усходзе краіны чакаецца невялікі кароткачасовы снег. На асобных участках дарог магчымая галалёдзіца. Вецер прагназуецца паўночна-заходні парывісты.

Паводле папярэдніх прагнозаў айчынных сіноптыкаў, надвор'е ў нашай краіне застанецца пад уплывам халоднага антыцыклону і ў першай палове наступнага тыдня. Уначы невялікі мароз, месцамі снег, мокры снег. Удзень — слабы плюс.

Сяргей КУРКАЧ

Прэв'ю: regnum.ru

Загаловак у газеце: Халодны подых Скандынавіі

Выбар рэдакцыі

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.