Вы тут

Як Беларускi Чырвоны Крыж змагаецца супраць COVID-19


Беларускае таварыства Чырвонага Крыжа працягвае дапамагаць пажылым людзям i ўсiм тым, хто мае патрэбу ў падтрымцы падчас эпiдэмii COVID-19. А таксама аб'ядноўваць нераўнадушных, дзякуючы чаму клопат i ўвагу адчуваюць медыкi i пацыенты бальнiц.


Фота: redcross.by

Iнфалiнii 201 i 122 — цяпер не толькi для пажылых

Iнфалiнiя «Добры тэлефон» цяпер даступная не толькi для пажылых людзей, але i для кантактных асоб першага i другога ўзроўню, якiя апынулiся ў вымушанай самаiзаляцыi. Гэта людзi, якiя ўзаемадзейнiчалi (цесна i не вельмi) з захварэлымi на COVID-19. Валанцёры Беларускага Чырвонага Крыжа выслухаюць кожнага, адкажуць на пытаннi пра каранавiрус i не толькi, а калi трэба, то i супакояць. Калi чалавеку, якi тэлефануе, патрэбна канкрэтная дапамога, напрыклад, дастаўка на дом прадуктаў харчавання, медыкаментаў i iншых прадметаў першай неабходнасцi, яны падкажуць, у якую кампанiю варта звярнуцца. У выпадку з пажылымi людзьмi гэта мясцовы тэрытарыяльны сацыяльны цэнтр абслугоўвання насельнiцтва цi палiклiнiка па месцы жыхарства. Патэлефанаваць на iнфалiнiю можна па двух нумарах: 201 — для мабiльных тэлефонаў, 122 — для стацыянарных. Ва ўсiх выпадках званок бясплатны!

«Добры тэлефон» даступны па буднях з 9.00 да 18.00. За першы тыдзень тэставага рэжыму валанцёры прынялi 200 званкоў, за другi ў звычайным рэжыме — 108.

Да акцыi «Медабед» далучылiся чатыры кампанii

Нагадаем, 3 красавiка Беларускi Чырвоны Крыж разам з Catering Stolitsa пачаў акцыю «Медабед»: раз на тыдзень планавалася дастаўляць 110 абедаў персаналу 4-й гарадской бальнiцы. Пасля першай дастаўкi да Чырвонага Крыжа вырашылi далучыцца i iншыя кампанii.

Цяпер беларускiх медыкаў падтрымлiваюць разам з Catering Stolitsa ФудТрэйдПрадукт (Dоner Kebab i «Чайхана»), бар «Госцi» i Magic Catering. Усе разам дапамагаюць сталiчным 4-й гарадской клiнiчнай бальнiцы (110 абедаў раз на тыдзень), 10-й гарадской клiнiчнай бальнiцы (па 100 абедаў некалькi разоў на тыдзень), Мiнскаму гарадскому скурна-венералагiчнаму дыспансеру (па 100 абедаў два разы на тыдзень), якiя ў гэтыя днi прымаюць пацыентаў з COVID-19. Дарэчы, у Мiнскi скурна-венералагiчны дыспансер на мiнулым тыднi кампанiя MacCoffee даставiла яшчэ i тысячу порцый кавы.

Дзесяць тон вады бальнiцам Мiнска

Дзякуючы спонсарскай дапамозе Мiнскага завода безалкагольных напояў i ААТ «Лiдскае пiва» Беларускi Чырвоны Крыж перадаў 10 тон вады ў некалькi бальнiц Мiнска. Гэта дазволiць iм адмовiцца ад кулераў з вадой, якiя ў сённяшняй сiтуацыi могуць быць небяспечныя, i перайсцi да выкарыстання вады ў iндывiдуальнай упакоўцы.

Па тысячы лiтраў атрымалi дзiцячая гарадская iнфекцыйная бальнiца, гарадская iнфекцыйная, 3-я i 10-я бальнiцы i гарадскi анкалагiчны дыспансер, дзве тысячы лiтраў — 4-я гарадская бальнiца, 2,5 тысячы — гарадскi скурна-венералагiчны дыспансер, 500 лiтраў — 6-я гарадская бальнiца.

Алена КРАВЕЦ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.