Вы тут

Міністэрства адукацыі рэкамендуе ўручаць атэстаты выпускнікам ва ўрачыстай абстаноўцы


А выпускныя балі адмяняюцца?


На сайце ведамства з’явіўся ліст ад 19 мая 2020 года «Аб арганізацыі ўручэння атэстатаў аб агульнай сярэдняй адукацыі» за подпісам намесніка міністра адукацыі Аляксандра Кадлубая. І гэта першы афіцыйны дакумент, які дае зразумець, якім чынам для выпускнікоў пройдзе іх развітанне са школай.

У ім, у прыватнасці, паведамляецца, што з улікам эпідэміялагічнай сітуацыі і ў адпаведнасці з рэкамендацыямі Міністэрства аховы здароўя правядзенне масавых мерапрыемстваў у краіне абмежаванае. У гэтай сувязі Міністэрства адукацыі з усіх мерапрыемстваў па завяршэнні навучальнага года рэкамендуе арганізаваць толькі ўручэнне атэстатаў аб агульнай сярэдняй адукацыі ва ўрачыстай абстаноўцы і зрабіць гэта 10-11 чэрвеня.

Рашэнне пра фармат правядзення згаданага мерапрыемства ў кожнай канкрэтнай установе адукацыі прымаецца яе кіраўніком з удзелам бацькоўскага камітэта і па ўзгадненні з мясцовым выканаўчым і распарадчым органам улады.

У дакуменце падкрэсліваецца, што з навучэнцамі і іх законнымі прадстаўнікамі неабходна правесці тлумачальную работу аб фармаце правядзення мерапрыемства.

З мэтай мінімізацыі рызыкі ўзнікнення і распаўсюджвання вірусных і іншых інфекцый рэкамендуецца прыняць дадатковыя меры па забеспячэнні бяспекі і захавання здароўя навучэнцаў падчас правядзення мерапрыемства з улікам рэкамендацый Міністэрства аховы здароўя. Якія канкрэтна меры трэба прыняць, у інструктыўным лісце не ўдакладняецца.

Вядома, што ў сталіцы ўрачыстае ўручэнне атэстатаў пройдзе 10 чэрвеня ў другой палове дня. Калі дазволіць надвор’е, то мерапрыемства правядуць на адкрытым паветры. А вось традыцыйнага выпускнога для адзінаццацікласнікаў сёлета не будзе. «Адзінае, ад чаго мы адмаўляемся, гэта ад правядзення забаўляльных мерапрыемстваў пасля гэтага, — патлумачыў першы намеснік старшыні камітэта па адукацыі Мінгарвыканкама Віталь Прыгодзіч. — Пры гэтым урачыстасць моманту заканчэння школы захоўваецца».

Надзея НІКАЛАЕВА

Прэв'ю: БЕЛТА

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.