Вы тут

Круглы стол «Вышэйшая адукацыя ва ўмовах постпандэміі» прайшоў у БДУ


Мерапрыемства было арганізаванае ў рэжыме анлайн па ініцыятыве Белдзяржуніверсітэта і Беларускага інстытута стратэгічных даследаванняў.


У дыскусіі прынялі удзел першы намеснік міністра адукацыі Ірына Старавойтава, рэктар БДУ Андрэй Кароль, дырэктар Беларускага інстытута стратэгічных даследаванняў Алег Макараў, генеральны дырэктар Мінскага аўтамабільнага завода Валерый Іванковіч, а таксама прадстаўнікі міністэрстваў эканомікі і працы і сацыяльнай абароны нашай краіны. Такі склад круглага стала абумоўлены неабходнасцю наладзіць дыялог паміж універсітэтамі, экспертамі і заказчыкамі кадраў для падрыхтоўкі запатрабаваных спецыялістаў для розных сфер эканомікі.

Удзельнікі абмеркавалі інавацыйныя падыходы ў адукацыі з выкарыстаннем сучасных ІКТ, разгледзелі рызыкі і перавагі выкарыстання дыстанцыйных формаў, важнасць асобы студэнта ў навучальным працэсе, масавасць і элітарнасць  вышэйшай школы.  Асаблівая ўвага была нададзена захаванню якасці адукацыі ў перыяд пандэміі і постэпідэміялагічнай сітуацыі. Было адзначана, што сёння інфармацыйная мадэль адукацыі, пры якой вучня/студэнта ўспрымаюць як «чысты аркуш», вядзе да падрыхтоўкі шаблонна думаючага, маналагічнага выпускніка, не схільнага змяняцца ва ўмовах хуткіх перамен, што адбываюцца  у свеце. Адукацыя будучыні — гэта адукацыйная метадалогія, змест і тэхналогіі, якія здольныя выявіць і раскрыць патэнцыял студэнта, дапамагчы яму ўбачыць свае магчымасці і сваю ўнікальнасць, межы свайго няведання. У будучыні такі студэнт стане запатрабаваным спецыялістам з гнуткім мысленнем, здольным вырашыць любую нестандартную сітуацыю.

У рамках анлайн-сустрэчы была адзначаная неабходнасць актывізацыі і пошуку новых форм узаемадзеяння паміж працадаўцамі і ўніверсітэтамі, умацавання ўзаемнага супрацоўніцтва прадпрыемстваў і ўстаноў адукацыі ў падрыхтоўцы кадраў. Сёння важная двухбаковая зацікаўленасць у гэтым напрамку.

Удзельнікі дыскусіі падкрэслілі важнасць такіх мерапрыемстваў, якія дазваляюць усебакова ацаніць пытанні ў галіне падрыхтоўкі кадраў. Таксама была дасягнутая дамоўленасць аб арганізацыі падобных сустрэч на рэгулярнай аснове для канструктыўнага і калегіяльнага пошуку рашэнняў.

Надзея НІКАЛАЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.