25 верасня, пятніца

Вы тут

Пацыенты з COVID-19 будуць атрымлiваць бясплатныя лекi


Iнфекцыя COVID-19 унесена ў пералiк захворванняў, якiя даюць права на бясплатнае забеспячэнне лекамi. У прыватнасцi, гэта датычыцца пацыентаў, якiя маюць лёгкiя i сярэдняцяжкiя формы захворвання, у тым лiку няцяжкiя пнеўманii, i лечацца дома.


Адпаведная пастанова Савета Мiнiстраў дапоўнена пазiцыяй «Iнфекцыя, выклiканая каранавiрусам COVID-19».

Як нагадалi ў Мiнiстэрстве аховы здароўя, цяпер частка пацыентаў з iнфекцыяй COVID-19 атрымлiвае лячэнне дома. Найперш гэта хворыя з лёгкiмi i сярэдняцяжкiмi формамi захворвання, у тым лiку няцяжкiмi пнеўманiямi. Для больш эфектыўнага iх лячэння вызначаны пералiк антыбактэрыяльных лекавых сродкаў, якiя могуць быць прызначаны падчас лячэння дома.

Закупацца такiя прэпараты будуць за кошт мясцовых бюджэтаў. У спiс увайшлi парацэтамол 500 мг, таблеткi; азiтрамiцын 500 мг i 250 мг, таблеткi, капсулы; амаксiцылiн/клавуланавая кiслата 875/125 мг, таблеткi; кларытрамiцын 500 мг, таблеткi; цэфураксiм аксэцiл 500 мг, таблеткi; левафлаксацын 750 мг, таблеткi.

У мiнiстэрстве канстатуюць, што ў краiне добра сябе зарэкамендавала такая форма работы з пацыентамi, якiя хварэюць на iнфекцыйныя хваробы — напрыклад, туберкулёз, вiрусны гепатыт, ВIЧ, — як кантраляванае лячэнне ў амбулаторных умовах. Яна прадугледжвае прыём прэпаратаў пад кантролем медыцынскага работнiка (напрыклад, хворы можа здымаць прыём лекаў на смартфон i дасылаць медыку).

Прыняцце згаданай пастановы дазволiць арганiзаваць кантраляванае лячэнне пацыентаў з каранавiруснай iнфекцыяй дома. Мiнiстэрства аховы здароўя даручыла кiраўнiкам устаноў аховы здароўя прыняць меры па арганiзацыi такога лячэння.

Па звестках на 17 чэрвеня, у Беларусi зарэгiстравана 56 032 чалавекi са станоўчым тэстам на COVID-19. Паправiлiся i выпiсаны 32 735 пацыентаў, 324 чалавекi памерла. Усяго праведзена 778 935 тэстаў. За апошнiя суткi прырост склаў 663 iнфiцыраваныя, 1462 пацыенты выпiсаны, шэсць чалавек памерла. Праведзена 18 386 тэстаў.

Алена КРАВЕЦ

Прэв'ю: poland2day.com

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».