Падрабязнасці гэтай гісторыі паведамляе УУС Мінаблвыканкама.
У аператыўна-дзяжурную службу Барысаўскага РУУС каля 20 гадзін паступіла паведамленне аб тым, што па вуліцы Зялёны гарадок у Барысаве рухаецца аўтамабіль «Рэно Меган», кіроўца якога магчыма знаходзіцца ў стане алкагольнага ап’янення.
Супрацоўнікі АДАІ Барысаўскага РУУС, прыбыўшы па названым адрасе, заўважылі такую машыну. Яны падалі сігнал аб спыненні, кіроўца транспартнага сродку адразу ж выканаў яго.
У ходзе разбору было ўстаноўлена, што за рулём знаходзілася 34-гадовая мясцовая жыхарка. Жанчына не мела права кіравання аўто і была ў стане алкагольнага ап’янення (3,52 праміле). Таксама ў машыне знаходзілася трое дзяцей: 11-гадовая і 4-гадовая дзяўчынкі былі ў аўтакрэслах і былі прышпіленыя рамянём бяспекі. А вось 5-месячны сын знаходзіўся на руках у старэйшай дачкі.
Парушальніцу прыцягнулі да адміністрацыйнай адказнасці па шэрагу артыкулаў КаАП. Дарэчы, жанчына раней ужо прыцягвалася да адміністрацыйнай адказнасці за кіраванне транспартным сродкам у стане алкагольнага ап’янення.
Дзяржаўтаінспекцыя Мінскай вобласці дзякуе грамадзян, якія не засталіся абыякавымі і своечасова патэлефанавалі на тэлефонную лінію 102, паведаміўшы пра факты кіравання вадзіцелямі транспартных сродкаў у стане ап’янення.
«Паважаныя грамадзяне! Калі вы бачыце ці ведаеце, што транспартным сродкам кіруе вадзіцель у стане алкагольнага ап’янення, паведаміце ў дзяжурную частку ДАІ па тэлефоне 102 (званок бясплатны). Ваша інфармацыя спыніць бяду!»
Сяргей РАСОЛЬКА
Прэв’ю: amsrus.ru
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?