Вы тут

Галоўчанка: Усе прадпрыемствы рэальнага сектару эканомікі працуюць у штатным рэжыме


Аб гэтым заявіў журналістам прэм’ер-міністр Беларусі Раман Галоўчанка сёння пасля пасяджэння Прэзідыума Савета міністраў.


Па словах кіраўніка ўрада, канвееры нідзе не спынены, працоўныя змены працягваюцца.

«Сапраўды, на некаторых прадпрыемствах ёсць невялікія групы пратэстна настроеных супрацоўнікаў, якія могуць быць незадаволеныя і такім чынам (бастуючы — «Зв») выказваюць сваю пазіцыю ў дачыненні да таго, што адбываецца. Што асабліва сумна, спрабуюць уцягнуць большасць працоўнага калектыву, якая хоча працаваць і разумее, што правядзенне такіх незаконных акцый — згубны шлях», — канстатаваў прэм’ер-міністр.

Раман Галоўчанка растлумачыў, што артыкулам 41 Канстытуцыі прадугледжана права на забастоўку, а Працоўны кодэкс прадугледжвае дакладную працэдуру аб’яўлення забастоўкі, якая праводзіцца для вырашэння калектыўнай працоўнай спрэчкі, напрыклад, у выпадку парушэння правоў працоўных, працоўнага дагавора

 «Калі гэта працэдура парушана, ні аб ніякай забастоўцы размова ісці не можа», — адзначыў прэм’ер-міністр, дадаўшы, што ўцягванне работнікаў у забастоўку ці іншыя пратэстныя акцыі з’яўляецца каральным дзеяннем.

Акрамя таго, ён падкрэсліў, што перашкода працы прадпрыемства — гэта прамое прычыненне шкоды вытворчаму працэсу, праз якое прадпрыемства нясе страты. Да таго ж, любы прастой незалежна ад прычыны, аблягчае шлях на рынак канкурэнтам — а гэта, на думку Галоўчанкі, занадта шчодры падарунак.

«Людзі хочуць працаваць і зарабляць. У зносінах з працоўнымі калектывамі выразна прасочваецца думка, што так, нават калі нехта праявіў іншую грамадзянскую пазіцыю, зрабіў іншы выбар, гэта не мусіць змешвацца з працай эканомікі», — сказаў кіраўнік урада, нагадаўшы, што ў Беларусі — адкрытая эканоміка і працаваць трэба на поўных абаротах.

У прыклад прэм’ер прывёў хваляванні на Беларуськаліі, дзе ў выніку на два дні знізіліся аб’ёмы вытворчасці. Адзін з асноўных канкурэнтаў беларускага прадпрыемства на абмежаваным сусветным рынку Уралкалій аб’ёмы паставак імгненна нарасціў. Падобная сітуацыя і па іншых таварных пазіцыях, звярнуў увагу Раман Галоўчанка.

Страты прадпрыемства ў выніку адбіваюцца на становішчы канкрэтнага працаўніка. Усведамленне гэтага дапамагае крыху знізіць градус і не паддавацца маніпуляцыям, упэўнены кіраўнік урада.

Па словах Галоўчанкі, пакуль няма падстаў казаць, што нацыянальная эканоміка панесла нейкія страты, але па буйных прадпрыемствах падлічана шкода, якая можа наступіць у выпадку спынення працы. Працоўныя калектывы з гэтай інфармацыяй азнаёмленыя.

Варвара МАРОЗАВА

Прэв’ю: БелТА

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.