Вы тут

Прэзентацыя 103-га тома серыі “Беларускі кнігазбор”: “Эліза Ажэшка. Над Нёманам”


24 верасня 2020 года ў 16:00 Дзяржаўны музей гісторыі беларускай літаратуры запрашае ўсіх аматараў гістарычнай прозы на прэзентацыю кнігі «Эліза Ажэшка “Над Нёманам”» – 103-га тома з серыі “Беларускі кнігазбор”, які выйшаў у Выдавецкім доме “Беларуская навука”.

У выданне ўвайшлі раман “Над Нёманам” (1887) – вяршыня творчых дасягненняў пісьменніцы, і так званы “паўстанцкі” цыкл навел “Gloria Victis” (“Слава пераможаным”), які стаў апошнім прыжыццёвым выданнем Элізы Ажэшкі, надрукаваным у Вільні Вацлавам Макоўскім у 1910 годзе, і нечаканасцю для тагачаснай цэнзуры, бо, перайначыўшы лацінскае выслоўе “Гора пераможаным” (“Vae victis”), аўтарка стварыла дакументальны помнік падзеям 1863–1864 гг.

У мерапрыемстве прымуць удзел старшыня Беларускага фонду культуры Тадэвуш Стружэцкі, дырэктар Выдавецкага дома “Беларуская навука” Георгій Кісялёў, рэдактар кнігі “Над Нёманам” Выдавецкага дома “Беларуская навука” Аксана Насухранава, галоўны рэдактар серыі “Беларускі кнігазбор” Кастусь Цвірка, даследчыца жыцця і творчасці Элізы Ажэшкі і аўтар прамовы да выдання “Над Нёманам” Святлана Воцінава, паэт і кампазітар Раман Арлоў.

Пераклады ўсіх твораў кнігі на беларускую мову на высокім мастацкім узроўні, з захаваннем усёй прыгажосці стылю выкананы Анатолем Бутэвічам.

Усе зацікаўленыя змогуць набыць 103-і том з серыі “Беларускі кнігазбор” «Эліза Ажэшка “Над Нёманам”» і атрымаць аўтограф перакладчыка.

Уваход вольны

Дзе: Дзяржаўны музей гісторыі беларускай літаратуры (г. Мінск, вул. М. Багдановіча, 13)
Тэл. для даведак: (017) 334-56-21

 

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.