Дэфіцыт рэспубліканскага бюджэту Беларусі ў студзені — кастрычніку 2020 года склаў Br0,6 млрд, паведамляе БЕЛТА са спасылкай на Міністэрства фінансаў.
Даходы рэспубліканскага бюджэту склалі Br19,6 млрд, або 77,1% удакладненага гадавога плана.
Паступленне ПДВ склала Br10,9 млрд (88,3% плана), падатку на прыбытак — Br2,3 млрд (60,1%). Акцызы паступілі ў суме Br2,5 млрд (79,3%). Даходы ад знешнеэканамічнай дзейнасці склалі Br3,2 млрд (66,4%).
Расходы рэспубліканскага бюджэту склалі Br20,2 млрд, або 72,4% удакладненага гадавога плана.
На агульнадзяржаўную дзейнасць накіравана Br9,6 млрд (72,3%), фінансаванне нацыянальнай эканомікі — Br4,3 млрд (73,1%), фінансаванне сацыяльнай сферы (сацыяльная палітыка, адукацыя, ахова здароўя, фізічная культура, спорт, культура і сродкі масавай інфармацыі) — Br14,4 млрд (78,2%).
Дэфіцыт бюджэту сектара дзяржаўнага кіравання за студзень — кастрычнік склаўся ў суме Br0,1 млрд. Даходы склалі Br43,6 млрд (82% удакладненага гадавога плана), выдаткі — Br43,7 млрд (77,6%).
Прафіцыт бюджэту Фонду сацыяльнай абароны насельніцтва — Br0,2 млрд (паступлення — Br14,3 млрд, выдаткі — Br14,1 млрд).
Па стане на 1 лістапада 2020 года запазычанасць па падатках і зборах раўняецца Br202,5 млн.
Прэв’ю: depositphotos.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?