Плата за тэхнічнае абслугоўванне ліфта з 1 верасня 2021 г. будзе вылічацца зыходзячы з агульнай плошчы кватэры. Такая інфармацыя размешчана на сайце Міністэрства жыллёва-камунальнай гаспадаркі.
У міністэрстве растлумачылі, што такі парадак прадугледжаны Указам Прэзідэнта Рэспублікі Беларусь ад 24 снежня 2020 г. № 490 «Аб устанаўленні тарыфаў для насельніцтва ў сферы жыллёва-камунальнай гаспадаркі на 2021 год». Плануецца, што тарыф складзе 0,0584 рубля за 1 м2, гэта значыць чым больш пляц кватэры, тым больш уласніку давядзецца заплаціць за тэхабслугоўванне ліфта.
Акрамя таго, з верасня па новай схеме стануць налічваць плату за санітарнае ўтрыманне дапаможных памяшканняў жылога дома (прыбіраць пад’езды), а таксама за электраэнергію на асвятленне дапаможных памяшканняў і працу абсталявання, выключаючы ліфт. За гэтыя паслугі, як і за тэхабслугоўванне ліфта, будуць спаганяць аплату зыходзячы з агульнай плошчы кватэры, а не па ліку зарэгістраваных у кватэры людзей. Да 23 сакавіка 2016 г. гэтыя паслугі аплачваліся ў залежнасці ад агульнай плошчы жылля.
У ведамстве адзначылі, што кошт абслугоўвання ліфта і санітарнага ўтрымання дапаможных памяшканняў залежыць не столькі ад колькасці жыхароў, колькі ад пераліку і перыядычнасці рэгламентных работ.
Прэв’ю: pixabay.com
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».