Вы тут

Саюз пісьменнікаў Беларусі рыхтуецца да Дня пісьменства ў Капылі


На мінулым тыдні «Звязда» анансавала правядзенне Дня беларускага пісьменства ў Капылі. Падчас прэс-канферэнцыі, якая адбылася 19 жніўня, прадстаўнікі Саюза пісьменнікаў Беларусі распавялі аб праектах, якія будуць прадстаўлены на свяце.


Фота: БелТА

Алена Стэльмах, першы намеснік старшыні Саюза пісьменнікаў Беларусі, адзначыла, што разам з Мінскім аблвыканкамам рыхтуецца мерапрыемства ў гонар літаратараў Капыльшчыны. Будзе арганізавана памятнае месца: адкрыюць помнік, а таксама высадзяць дрэвы. Але гэта далёка не адзіная акцыя, якая плануецца ў межах свята. Алена Стэльмах дадае:

— У першую чаргу хочацца сказаць аб стварэнні серыі кніг, прысвечаных знакамітым людзям Беларусі. Іх аўтарам з'яўляецца пісьменнік Валерый Чудаў. Кнігі пабачаць свет у серыі «Школьная бібліятэка». А сам праект будзе прадстаўлены падчас Дня беларускага пісьменства.

З 4 да 5 верасня Капыль стане пляцоўкай для мноства аўтараў. Так, выдавецтва «Чатыры чвэрці» плануе прэзентаваць новыя кнігі Сяргея Трахімёнка. Па словах Жаны Клімянок, намесніка галоўнага рэдактара выдавецтва, «Калі хвост віляе сабакам» і «Набеліат» выйшлі да юбілею пісьменніка. Пазнаёміцца з выданнямі і задаць свае пытанні Сяргею Трахімёнку можна будзе падчас правядзення свята.

Цікавую і даволі вялікую праграму рыхтуе магілёўскае аддзяленне Саюза пісьменнікаў Беларусі. Старшыня аддзялення Алесь Казека адзначыў:

— Наша аб'яднанне плануе прадставіць праграму пад назвай «Нашых сэрцаў адкрытых адзіная мова». Яна будзе складацца з чатырох блокаў. Знаёмства з выбітнымі магілёўскімі пісьменнікамі, чытанне лірычных вершаў з восеньскай тэматыкай, а таксама дэкламаванне любімых вершаў класікаў і сучасных беларускіх паэтаў.

У капыльскім палацы культуры 4 верасня адбудзецца літаратурная імпрэза з удзелам літаратараў Віцебскага, Гродзенскага, Гомельскага і Брэсцкага аддзяленняў Саюза пісьменнікаў Беларусі. Больш за 100 аўтараў прымуць удзел у мерапрыемствах, а на пляцоўцы «Слова пісьменніка» пройдуць імпрэзы, літаратурна-гістарычныя віктарыны і аўтограф-сесіі.

Сачыце за навінамі Дня беларускага пісьменства на старонках «Звязды».

Арына КАРПОВІЧ

Загаловак у газеце: Чым больш кніг, тым больш святла!

Выбар рэдакцыі

Грамадства

Снежань сёлета чакаецца цяплейшым за звычайны. Прагноз ад Дзмітрыя Рабава

Снежань сёлета чакаецца цяплейшым за звычайны. Прагноз ад Дзмітрыя Рабава

«Традыцыйна першы месяц зімы — самы цёмны і пахмурны месяц года». 

Палітыка

Крызіс на мяжы. Уся аператыўная інфармацыя на панядзелак (абнаўляецца)

Крызіс на мяжы. Уся аператыўная інфармацыя на панядзелак (абнаўляецца)

Аператыўная інфармацыя з беларуска-польскай мяжы.

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю

Крызіс на мяжы. Уся аператыўная інфармацыя на нядзелю

Аператыўная інфармацыя з беларуска-польскай мяжы.