Вы тут

Пачаўся другі этап сумеснага беларуска-расійскага стратэгічнага вучэння


Першыя задачы ўдзельнікі манеўраў пачалі адпрацоўваць яшчэ да ўзыходу сонца. Вайскоўцы з Беларусі, Расіі і Казахстана ажыццявілі дэсантаванне з самалётаў Іл-76 на палігоне «Брэсцкі».


Гэты асноўны элемент баявой падрыхтоўкі дэсантнікаў могуць выканаць толькі сапраўдныя прафесіяналы: ускладняюць задачу з парашутам зброя і абмундзіраванне, грузы шматлікага прызначэння. Здзейсніць скачок у начных умовах — гэта як лётчыку ажыццявіць фігуру вышэйшага пілатажу.

— Асаблівасць дэсантавання ноччу — абмежаваная бачнасць, — заўважыў намеснік камандзіра 38-й Брэсцкай асобнай гвардзейскай дэсантна-штурмавой брыгады па паветрана-дэсантнай падрыхтоўцы гвардыі палкоўнік Уладзімір ГНЕДЧЫК. — Перыметр пляцоўкі прызямлення абазначаўся агнямі, акрамя таго, быў пазначаны цэнтр пляцоўкі і страла, якая ўказвае напрамак ветру. Аблегчылі задачу вайскоўцам акуляры начнога бачання.

Першымі з вышыні 1,5 кіламетра дэсантаваліся расійскія групы спецыяльнага прызначэння. Калі ваеннаслужачыя Узброеных Сіл Расіі «захапілі» пляцоўку для высадкі асноўнага дэсанта, паспяхова прызямліліся беларускія і казахстанскія вайскоўцы. Затым саюзны дэсант прыступіў да выканання вучэбна-баявых задач, пастаўленых на гэтым этапе вучэння.

Як зазначыў намеснік камандзіра 35-й асобнай гвардзейскай дэсантна-штурмавой брыгады па паветрана-дэсантнай падрыхтоўцы гвардыі падпалкоўнік Абдурахім ЮЛДАШАЎ, ваеннаслужачыя казахстанцы ўпершыню прымаюць удзел у такім маштабным вучэнні сумесна з вайскоўцамі Беларусі і Расіі. «Мы атрымліваем каласальны вопыт: Іл-76 не знаходзіцца ў нас на ўзбраенні, і нашы дэсантнікі выконвалі скачок з гэтага самалёта ўпершыню», — падкрэсліў прадстаўнік Узброеных Сіл Рэспублікі Казахстан.


А тым часам на палігоне «Сары-Шаган», што ў Казахстане, беларускія ракетчыкі паспяхова ажыццявілі пускі з ракетных сістэм залпавага агню «Смерч» і «Паланэз».

Як адзначыў начальнік ракетных войскаў і артылерыі Узброеных Сіл Беларусі генерал-маёр Генадзь КАЗЛОЎСКІ, усе задачы выкананы з высокай якасцю, а галоўнае — з найвышэйшай адказнасцю. «Беларускія ракетчыкі чарговы раз пацвердзілі свой прафесіяналізм, а таксама характарыстыкі даручанай высокадакладнай зброі, — заявіў военачальнік. — Спецыялісты войскаў сувязі і радыёэлектроннай барацьбы, ракетна-артылерыйскага ўзбраення, навігацыйна-тапаграфічнай службы, а таксама разлікі беспілотных авіяцыйных комплексаў забяспечылі выкананне задач ракетнымі падраздзяленнямі своечасова і з высокай дакладнасцю».

Ракетчыкі працягваюць адпрацоўваць навыкі і зладжанасць пры нанясенні ракетных удараў, аднак ужо без баявых пускаў.

Вераніка КАНЮТА

Фота «Ваяр»

Выбар рэдакцыі

Грамадства

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

Ці патрэбныя бэбі-боксы? Нованароджанае дзіця знайшлі ў выграбнай яме ў Гомелі

У дачыненні да жыхаркі узбуджана крымінальная справа.

У свеце

Блуканне па кілаватах. Чаму Літва загнала Прыбалтыку ў энергетычную яму?

Блуканне па кілаватах. Чаму Літва загнала Прыбалтыку ў энергетычную яму?

Для краін Балтыі ралі цэн на электрычнасць стала ўжо амаль звыклай справай. 

Культура

Дзе Якуб Колас сустрэўся з ваўком і чаму дзядзька Антось быў самотны

Дзе Якуб Колас сустрэўся з ваўком і чаму дзядзька Антось быў самотны

Трэцяга лістапада — дзень нараджэння класіка. 

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.