Вы тут

Палякі распаўсюджваюць непраўдзівую інфармацыю наконт інцыдэнту на граніцы


Днямі падчас праверкі рэжыму Дзяржаўнай граніцы беларускія пагранічнікі выявілі пашкоджанні пагранічнага слупа нашай краіны. На шчытку з выявай дзяржаўнага герба і таблічцы з нумарам, паведамілі ў Дзяржаўным пагранічным камітэце, зафіксаваныя прабоіны, па папярэдняй інфармацыі, ад металічных шарыкаў, знойдзеных каля слупа.


Здарэнне расследуецца апаратам пагранічных упаўнаважаных. Прававую ацэнку сітуацыі дасць следча-аператыўная група. Аб інцыдэнце праінфармаваны польскі бок. Аднак нашы суседзі распаўсюджваюць ілжывую інфармацыю адносна пашкоджання пагранічнага знака.

«Па факце пашкоджання 17 студзеня пагранічнага слупа беларускі бок своечасова апавясціў польскіх калег праз аператыўна-дзяжурную службу, а таксама па лініі пагранічных упаўнаважаных, — заявілі ў Дзяржпагранкамітэце. — Гэтую інфармацыю пагранварта Польшчы публічна пацвердзіла. Акрамя дадзенага інцыдэнту, 15 студзеня беларускім бокам была зафіксавана адсутнасць шчыткоў з гербамі яшчэ на трох пагранічных слупах, аб чым таксама праінфармаваныя польскія прадстаўнікі па ўсіх каналах. Згодна з двухбаковымі дамоўленасцямі, кожны бок абавязаны паведаміць сумежнаму боку аб назіраемых фактах пашкоджванняў знакаў або іх элементаў. Польскія ваеннаслужачыя, якія візуальна назіралі пашкоджанні або адсутнасць шчыткоў на беларускіх пагранічных слупах, ні ў адным з выпадкаў не інфармавалі беларускі бок».

Як адзначылі ў ведамстве, ва ўмовах пандэміі COVІD-19 рабочыя сустрэчы па такога кшталту сітуацыях апошнім часам не праводзяцца. Урэгуляванне пагранічных інцыдэнтаў ажыццяўляецца ў межах перапіскі апарату пагранічных упаўнаважаных. Польшча мэтанакіравана надае гэтаму інцыдэнту інфармацыйны імпульс, падкрэсліваюць у Дзяржпагранкамітэце Беларусі, выкарыстоўваючы ўласную правераную тактыку — больш укідаў і менш праўды.

Вераніка КАНЮТА

Прэв’ю: БелТА

Загаловак у газеце: Шмат слоў, а праўды мала

Выбар рэдакцыі

Адукацыя

Як рыхтуе інжынераў заўтрашняга дня галоўны тэхнічны ўніверсітэт краіны

Як рыхтуе інжынераў заўтрашняга дня галоўны тэхнічны ўніверсітэт краіны

У Беларусі сёння няма ніводнага прадпрыемства, дзе б ні працавалі выпускнікі БНТУ.

Эканоміка

Эксперты: Беларускі рубель будзе мацнець, а эканоміка — расці

Эксперты: Беларускі рубель будзе мацнець, а эканоміка — расці

Выконваючы праграму па імпартазамяшчэнні, зараз можна зарабіць сапраўды вялікія грошы.

Грамадства

У памяці народнай. У Баранавічах адкрылі мемарыял Героям Беларусі Андрэю Нічыпорчыку і Мікіце Куканенку

У памяці народнай. У Баранавічах адкрылі мемарыял Героям Беларусі Андрэю Нічыпорчыку і Мікіце Куканенку

У Баранавічах адкрылі мемарыял Героям Беларусі Андрэю Нічыпорчыку і Мікіце Куканенку.

Грамадства

Гаджэт для фельчара. Як працуюць ФАП і амбулаторыя ў самым аддаленым сельсавеце Пружанскага раёна

Гаджэт для фельчара. Як працуюць ФАП і амбулаторыя ў самым аддаленым сельсавеце Пружанскага раёна

Паведаміла Людміла Аляксееўна, якая загадвае фельчарска-акушэрскім пунктам і з'яўляецца фельчарам, акушэркай, медсястрой у адной асобе.