Член Пастаяннай камісіі Савета Рэспублікі па адукацыі, навуцы, культуры і сацыяльным развіцці, дырэктар дзяржаўнай установы адукацыі «Сярэдняя школа № 14 г. Маладзечна» Каліна КАПУЦКАЯ.
— Рэферэндум — гэта найважнейшы інстытут прамой дэмакратыі, які ўяўляе сабой непасрэдна праватворчасць народа, — пераканана сенатар. — Гэта адзін са спосабаў удзелу грамадскасці, гэта значыць нас з вамі, у прыняцці рашэнняў, асабліва важных для дзяржавы і кожнага з нас.
Суразмоўніца нагадвае: краіна знаходзіцца на парозе новага этапу свайго развіцця, які патрабуе чарговай змены Асноўнага Закона Рэспублікі Беларусь.
— Праект абноўленай Канстытуцыі, распрацаваны з улікам міжнароднай і ўнутрыпалітычнай сітуацыі, забяспечвае абарону асноўных правоў грамадзяніна краіны ў сучасных умовах. Акрамя таго, у ім улічваецца вопыт развіцця Беларусі як суверэннай дзяржавы, — пераканана Каліна Капуцкая.
Яна адзначае, што вопыт дзяржаўнага будаўніцтва, сацыяльнай роўнасці і сацыяльнай накіраванасці дзяржаўнай палітыкі, падтрымка навукі, інавацый і адукацыі, павага да сваёй гісторыі і подзвігаў беларускага народа — усё гэта неабходна захаваць для наступных пакаленняў.
— Таму ў праект уключаны шэраг палажэнняў, якія датычацца сацыяльнай палітыкі, інавацыйнай сферы, захавання нацыянальнай самабытнасці і гістарычнай памяці, выхавання традыцыйных сямейных каштоўнасцяў, забеспячэння сацыяльнай справядлівасці, — падкрэслівае яна.
Сенатар звяртае ўвагу: рэферэндум па ўнясенні змяненняў і дапаўненняў у Канстытуцыю — важная палітычная падзея. Прыняць у ім удзел — не толькі грамадзянскі абавязак.
— Прыйсці і аддаць свой голас за мірную і спакойную будучыню трэба проста па загадзе душы, бо ўсе важныя рашэнні ў краіне заўсёды прымаліся ўсеагульным галасаваннем, калектыўна. Таму і на рэферэндуме мы павінны прадэманстраваць адзінства і мудрасць беларускага народа, клопат аб будучых пакаленнях, — заклікае Каліна Капуцкая. — Бо менавіта ад нас залежыць развіццё і росквіт роднай Беларусі.
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?