Вы тут

Дзякуючы пільнаму таксісту затрыманы кур’еры-ашуканцы


Аператыўнікі затрымалі дваіх кур’ераў тэлефонных аферыстаў, якія выманілі ў 61-гадовага жодзінца 6 тысяч долараў. Падрабязнасці гэтай гісторыі паведамляе УУС Мінскага аблвыканкама.


Кіроўца атрымаў замову на дастаўку пасылкі. Трэба было забраць пакет з кватэры і прывезці ва ўмоўленае месца. Прыбыўшы па адрасе адпраўніка, ён убачыў усхваляванага пажылога мужчыну, які адлічваў купюры і паралельна размаўляў па тэлефоне. Таксіст зразумеў, што яго «апрацавалі» ашуканцы. Ён паспрабаваў супакоіць ахвяру, патлумачыў, што яго ашукваюць, і патэлефанаваў у міліцыю. Кіроўцу праінструктавалі аб далейшых дзеяннях і, як толькі ён перадаў заказчыку пакет з грашыма, зламысніка затрымалі.

Фігурантам аказаўся 23-гадовы жыхар Рагачоўскага раёна. Падчас далейшых аператыўна-вышуковых мерапрыемстваў сышчыкі ўстанавілі і затрымалі яго аднагодка-змоўшчыка. Цяпер устаноўлена датычнасць дуэта да чатырох аналагічных злачынстваў у Мінскім і Смалявіцкім раёнах.

Следчымі заведзена крымінальная справа за махлярства.

УУС Мінскага аблвыканкама нагадвае кіроўцам любых службаў дастаўкі: звяртайце ўвагу на эмацыйны стан асоб, якія аддаюць пасылкі, і вонкавы выгляд рэчаў, што перадаюцца пасылкай. Часцей за ўсё тэлефонныя аферысты просяць разам з грашыма перадаць ручнікі, прасціны ці прадметы гігіены, а самі пажылыя ахвяры злачынства выглядаюць спалоханымі ці заплаканымі. Пры ўзнікненні падазрэння неабходна заставацца на месцы і звярнуцца ў міліцыю.

Сяргей РАСОЛЬКА

Прэв’ю: БелТА

Выбар рэдакцыі

Грамадства

Бутэляваная, калодзежная, з-пад крана… Як у краіне вырашаюць праблему чыстай пітной вады

Бутэляваная, калодзежная, з-пад крана… Як у краіне вырашаюць праблему чыстай пітной вады

Сёння ў Беларусі крыху больш за 800 населеных пунктаў яшчэ не маюць якаснай вады.

Эканоміка

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Як вядома, з 23 студзеня ў нас змянілася стаўка рэфінансавання.

Грамадства

Яраслаў Іваноў: Падчас «Студэнта года» я прайшоў каласальны шлях

Яраслаў Іваноў: Падчас «Студэнта года» я прайшоў каласальны шлях

Аб тым, якія эмоцыі адчуў, калі зразумеў, што перамог.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​