Лепшыя фотаздымкі «Звязды» за 2022 год

30.12.2022 16:22
Без рубрики

Завяршаецца 2022 год... Якім ён быў для нас? Розным! Багатым на падзеі... Мы адабралі самыя яскравыя здымкі фотамайстроў «Звязды», каб, гледзячы на іх, вы развіталіся з 2022-м і падрыхтаваліся прывітаць новы — 2023-ці. Спадзяемся, што гэтыя цудоўныя фотаздымкі выклікаюць у вас настальгію і натхняць зрабіць свае цудоўныя фота ў гэтыя святочныя дні!

Падчас чэмпіянату Беларусі сярод паралімпійцаў.

У майстэрні беларускага кераміста Валерыя Калтыгіна.

Партрэт казака падчас асвячэння першай казацкай капліцы ў гонар прападобнапакутніка Вадзіма Персідскага.

«Цяжкія падлеткі» з Магілёўскай дзяржаўнай спецыяльнай установы закрытага тыпу № 2 дрэваапрацоўкі падчас знаходжання ў летнім лагеры «Прызыўнік» у Мар’інай Горцы.

Бібліяноч у Нацыянальнай бібліятэцы Беларусі.

Аказанне лячэбнай дапамогі кацяняцi ў Цэнтральнай ветэрынарнай лабараторыі Узброеных Сіл.

Пляценне вянкоў падчас святкавання Купалля каля Літаратурнага музея імя Янкі Купалы.

Зваршчыца арматурных сетак і каркасаў Алена Раўчанка падчас працы ў арматурным цэху Мазырскага домабудаўнічага камбіната.

Нарыхтоўка бярозавага соку ў Слуцкім лясгасе.

Ушанаванне памяці воінаў-інтэрнацыяналістаў на Востраве Мужнасці і Смутку.

Фота Лізаветы ГОЛАД

96-гадовы ўдзельнік вайны Васіль Фёдаравіч Кавалёў з унучкай Юліяй і праўнучкай Лізай.

100-гадовы ўдзельнік вайны Сямён Якаўлевіч Ліпскі з праўнучкай Ірынай.

Уручэнне Нацыянальнай літаратурнай прэміі Мікалаю Чаргінцу ў Добрушы.

Дзень ПДВ. У капліцы на Востраве Мужнасці і Смутку.

Дзень памяці воінаў-інтэрнацыяналістаў.

Журы конкурсу «Фактар.by» .

Выпрабаванні на права нашэння чорнага берэта АМАП.

Клуб юных маракоў «Палескія гардэмарыны». Верасень.

Рэстаўрацыя элементаў абеліска «Мінск - горад-герой».

Член Савета Рэспублікі Таццяна Рунец уручае падарункі навучэнцам спецшколы № 13 г. Мінска.

Фота Віктара ІВАНЧЫКАВА

У машыніста турбіннага цэха Лукомльскай электрастанцыі Віталя Кашчэева зімовы сезон насычаны клопатамі пра братоў нашых меншых. Віталь — заўзяты аматар птушак, грамадскі арнітолаг, назірае за паводзінамі і міграцыяй птушак, у прыватнасці, тых, якія гняздуюцца на ўзбярэжжы Лукомльскага возера, акальцоўвае белых лебедзяў, якія зімуюць на азёрнай акваторыі.

Браты-блізняты Раман і Максім Рэкешы праходзяць тэрміновую службу ў роце ганаровай варты.

Напрыканцы сакавіка, нягледзячы на плюсавую дзённую тэмпературу, студэнтка Беларускага дзяржаўнага ўніверсітэта фізічнай культуры Дар’я Малчанава трэніруецца на лыжа-ролернай трасе ў сталічным мікрараёне «Вяснянка».

Жыхар Оршы Уладзімір Судахольскі ў гонар свайго бацькі — франтавога лётчыка сканструяваў паменшаную копію самалёта У-2 і выставіў у двары свайго дома.

Васіль Шкіндзер толькі ў пяцьдзясят гадоў асвоіў скрыпку і задавальненнем удзельнічае з іншымі музыкамі і спевакамі ў танцавальных вечарынах і этнаграфічных святах, якія праводзіць на сваёй аграсядзібе ў вёсцы Вялікі Поўсвіж Лепельскага раёна.

Малады гаспадар з вёскі Салтаны Маладзечанскага раёна Яўген Садоўскі вярнуўся з горада на радзіму, пабудаваў ферму і здае лішкі малака дзяржаве.

Па народнай традыцыі ў свята Святой Троіцы браты Марозы — Міхаіл, Аляксей, Мікалай, Сяргей і Пётр з вёскі Слабодка Бешанковіцкага раёна збіраюцца ў роднай хаце, каб ушанаваць памяць спачылых бацькоў. Іх бацька Фёдар Мароз быў ветэранам вайны, партызаніў у Полацка-Лепельскай партызанскай зоне.

Бешанковіцкі краязнаўца Станіслаў Леаненка — калекцыянер і аматар даўніны, на сваім падворку стварыў першы ў краіне прыватны музей цэглы, у фондах якога захоўваюцца сотні ўнікальных экзэмпляраў.