На велатрэку «Лакасфінкс» у Санкт-Пецярбургу працягваецца чэмпіянат і Кубак Расіі па веласіпедным спорце з удзелам беларускіх спартсменаў, паведамляе БелТА.
У другі спаборніцкі дзень былі разыграныя чатыры камплекты ўзнагарод. У індывідуальнай гонцы пераследу на 3 км сярод жанчын не было роўных беларусцы Ганне Церах. Гэты поспех стаў для спартсменкі другім за двое сутак — у сераду Ганна разам з сяброўкамі па зборнай стала пераможцай каманднай гонкі. Бронза ў індывідуальным выглядзе дасталася іншай беларусцы Анастасіі Кіпцікавай, яшчэ адна наша веласіпедыстка Караліна Бірук заняла 4-ю пазіцыю. Найлепшы беларускі вынік у гэтым жа выглядзе ў мужчын паказаў Раман Цішкоў (5-е месца).
Праграму Кубка Расіі па веласпорце на трэку ў пятніцу прадоўжаць паўфіналы і фіналы мужчынскага і жаночага індывідуальнага спрынту, а таксама асабістыя гонкі праследавання ў юніёраў і юніёрак. Турнір у Санкт-Пецярбургу будзе доўжыцца да 31 студзеня.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
