Пабачыў свет дадатак да альманаха «Літаратурная Гомельшчына» — зборнік прозы і паэзіі «Пад небам адзіным». Сваімі творчымі адкрыццямі дзеляцца пісьменнікі Гомельшчыны і Браншчыны.
Творы каля 70 літаратараў Беларусі і Расіі сабраны пад адной вокладкай. Падзею каменціруе вядомы паэт і празаік — старшыня Гомельскага абласнога аддзялення Саюза пісьменнікаў Беларусі, заслужаны дзеяч культуры Рэспублікі Беларусь Уладзімір Гаўрыловіч:
— Далёка не ўпершыню беларускія і расійскія паэты і празаікі вядуць свой творчы рэй супольна. Наша аддзяленне на працягу многіх гадоў сябруе з творцамі Бранскай вобласці. Яны часта прыязджаюць да нас на літаратурныя святы. Мы ў сваю чаргу з вялікім задавальненнем прымаем іх запрашэнні. І вось — чарговы творчы праект. Гэтым разам мы паядналіся на старонках зборніка паэзіі і прозы «Пад небам адзіным». Кніга пабачыла свет у мазырскім выдавецтве «Калор». Яшчэ адно сведчанне, што кніжнае, літаратурна-мастацкае жыццё паўнакроўна развіваецца не толькі ў вялікіх гарадах. Зборнік —частка даўно, у 2007 годзе, заснаванай серыі «Літаратурная Гомельшчына».
Беларускую літаратуру ў кнізе «Пад небам адзіным» прадстаўляюць Алег Ананьеваў, Ганна Атрошчанка, Міхась Болсун, Генадзь Говар, Мікола Ждановіч, Ізяслаў Катляроў, Тамара Кручэнка, Уладзімір Гаўрыловіч, Валянціна Кадзетава і іншыя добра вядомыя літаратары.
Сяргей ШЫЧКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
