Як паведаміла ўпраўленне інфармацыі і грамадскіх сувязяў Нацыянальнага банка краіны, сёлета фінансавы рэгулятар плануе выпусціць у абарачэнне 11 найменняў памятных манет.
Тэматыка гісторыка-культурных каштоўнасцяў будзе працягнутая памятнымі манетамі: «Старажытны лад» серыі «Беларускі народны касцюм», «Былінка і верабей» серыі «Беларускія народныя казкі», «Загадкі» серыі «Беларускі дзіцячы фальклор», «Бацька» серыі «Дрэва жыцця», а таксама памятнымі манетамі серыі «Гісторыя беларускай чыгункі. «Цягнікі»: «Паравоз», «Цеплавоз», «Электравоз», «Дызель-цягнік», «Электрацягнік».
Таксама выпуск памятных манет будзе прымеркаваны да юбілейных дат: 80-годдзя вызвалення Беларусі ад нямецка-фашысцкіх захопнікаў, 30-годдзя ўводу ў абарачэнне на тэрыторыі краіны беларускага рубля, 25-годдзя падпісання дагавора аб стварэнні Саюзнай дзяржавы Беларусі і Расіі, 10-годдзя заснавання Еўразійскага эканамічнага саюза і 200-годдзя з пачатку будаўніцтва Аўгустоўскага канала.
Выпуск памятных манет на прыродаахоўную тэматыку будзе працягнуты манетамі «Варона шэрая» серыі «Птушка года».
Сяргей КУРКАЧ
Прэв’ю: pravo.by
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
