У гонар 80-годдзя вызвалення Беларусі ад нямецка-фашысцкіх захопнікаў Алею Памяці з 80 клёнаў высадзілі ў пасёлку Чонкі Гомельскага раёна.
Акцыю прымеркавалі да правядзення раённага суботніка. Ініцыятарам стварэння памятнай алеі выступіў дэпутат Гомельскага абласнога і раённага Саветаў дэпутатаў, дырэктар Гомельскага доследнага лясгаса Ігар Дзягцярык.
Каб разам высадзіць клёны ў Чонках сабраліся старшыня Гомельскага райвыканкама Дзмітрый Козел, старшыня Гомельскага райсавета дэпутатаў Вікторыя Ладуцька, дэпутаты райсавета і Чонкаўскага сельсавета, а таксама супрацоўнікі Гомельскага доследнага лясгаса.
— Закладка алеі — гэта наша даніна памяці тым людзям, якія загінулі ў гады Вялікай Айчыннай вайны, — адзначыў старшыня Гомельскага райвыканкама Дзмітрый Козел.
Перад пасадкай дрэў удзельнікі акцыі ўшанавалі хвілінай маўчання памяць савецкіх воінаў і мірных жыхароў, чые жыцці забрала страшная фашысцкая навала.
— У гэтыя дні смутку мы ўсё спачуваем сем’ям ахвяр страшнай трагедыі, якая адбылася ў Расійскай Федэрацыі. Нашу акцыю мы хацелі б прысвяціць ў тым ліку і нявінным ахвярам тэракту ў Падмаскоўі, — падкрэсліла старшыня Гомельскага раённага Савета дэпутатаў Вікторыя Ладуцька.
Словы спачування прагучалі ў адрас загінуўшых ад рук тэрарыстаў у падмаскоўным «Крокус Сіці Холе».
— Закладка алеі ў гонар 80-й гадавіны вызвалення Рэспублікі Беларусь ад нямецка-фашысцкіх захопнікаў — гэта старт мерапрыемстваў у нашым раёне, прымеркаваных да памятнай даты. Сімвалічна, што дрэвы пасадзілі на тэрыторыі пасёлка, у якім жыве шмат моладзі, шматдзетных сем’яў. Так мы перадаем эстафету памяці аб трагічных падзеях ваеннай гісторыі нашай краіны маладым пакаленням, — падкрэсліла Вікторыя Ладуцька. — Сёння ў свеце падымае галаву фашызм, адбываюцца тэрарыстычныя акты, якія шакіруюць сваёй бесчалавечнасцю і жорсткасцю. Лічу, што мы ўсе ў сусветнай супольнасці, павінны згуртавацца, каб знішчыць зло. Мы, беларусы, нясем у сэрцы памяць аб тых жахах вайны, якія перажыў наш народ, і мы павінны зрабіць усё, каб нашыя дзеці жылі ў міры.
Наталля КАПРЫЛЕНКА
Фота рэдакцыі Гомельскай раённай газеты «Маяк»
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.