Вы здесь

Студэнт... Як шмат у гэтым гуку!


Беларусь лідзіруе сярод краін СНД па суадносінах колькасці студэнтаў і колькасці насельніцтва. Такія звесткі ўтрымліваюцца ў аглядзе да Сусветнага дня студэнта, які падрыхтаваў Нацыянальны статыстычны камітэт.


У 2016/2017 навучальным годзе ў 51 установе вышэйшай адукацыі навучалася 313 тысяч студэнтаў. Па іх колькасці ў разліку на 10 тысяч насельніцтва Беларусь мела самы высокі паказчык сярод краін СНД — 330 чалавек. Услед за намі ідуць Украіна, Арменія, Расія, Кыргызстан, Казахстан, Таджыкістан, Малдова, Азербайджан.

У Беларусі сёння функцыянуе 34 універсітэты, 9 акадэмій і 8 інстытутаў, пераважная большасць з іх — дзяржаўныя. Дзевяць з дзесяці студэнтаў навучаюцца ў дзяржаўных ВНУ. Падрыхтоўка спецыялістаў з вышэйшай адукацыяй ажыццяўляецца па 15 профілях адукацыі, якія ўключаюць больш за 400 спецыяльнасцяў і кірункаў. На дзённай форме навучання веды атрымліваюць 172,6 тысячы чалавек, на завочнай — 139,2 тысячы, вячэрняй —1,4 тысячы. Пры гэтым колькасць дзяўчат, якія атрымліваюць вышэйшую адукацыю, крыху большая за колькасць хлопцаў: на 100 хлопцаў-студэнтаў прыпадаюць 124 дзяўчыны-студэнткі.

Самымі запатрабаванымі застаюцца сярод моладзі спецыяльнасці эканамічнага і юрыдычнага профіляў. Па іх навучаецца траціна ўсіх студэнтаў. Таксама карыстаюцца попытам спецыяльнасці тэхнічнага профілю — да іх праявіў цікавасць кожны пяты студэнт. З педагогікай звязвае сваю будучыню кожны дзясяты. Спецыяльнасці сельскагаспадарчага профілю выбіраюць восем працэнтаў студэнтаў, медыцынскія — сем працэнтаў.

Дзяржава заахвочвае маладых людзей, якія імкнуцца атрымаць вышэйшую адукацыю. У 2016/2017 навучальным годзе 91 тысяча студэнтаў, або кожны другі студэнт дзённай формы навучання, атрымлівалі стыпендыю. У студэнцкіх інтэрнатах пражывалі 82 тысячы студэнтаў, або 81 працэнт ад агульнай колькасці тых, хто меў патрэбу.

У 2016/2017 навучальным годзе ў беларускіх ВНУ навучалася больш за 15 тысяч грамадзян замежных дзяржаў, што складае пяць працэнтаў ад агульнай колькасці студэнтаў. З іх 73 працэнты з'яўляюцца грамадзянамі краін СНД, прадстаўнікоў Кітая і Ірана — па пяць працэнтаў, Нігерыі — 3,5 працэнта, Лівана і Шры-Ланкі — па 1,9 працэнта, Індыі — 1,5 працэнта, Ірака — крыху больш за адзін працэнт.

Надзея НІКАЛАЕВА

nіkаlаеvа@zvіаzdа.bу

Фота Анатоля КЛЕШЧУКА

Оставить комментарий

Выбор редакции

Общество

Школа завтрашнего дня. В тренде — медианавыки, геймификация и сторителлинг

Школа завтрашнего дня. В тренде — медианавыки, геймификация и сторителлинг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Общество

«Никогда не теряйте мечту детства!»

«Никогда не теряйте мечту детства!»

Мы с Еленой Воронович познакомились случайно, на улице. Сразу разговорились и нашли общий язык. Тогда за чашкой кофе она сказала мне важные слова: «Никогда не теряй мечту детства».

Культура

Историки надеются найти точную дату основания Мирского замка

Историки надеются найти точную дату основания Мирского замка

Определить точное время появления на Беларуси известного оборонительного сооружения до сих пор невозможно, хотя различных гипотез существует много.  

Спорт

Владимир Шантарович: Говорят, я — гений, и мне это очень не нравится

Владимир Шантарович: Говорят, я — гений, и мне это очень не нравится

Как тренер построил систему, которая воспитывает олимпийских чемпионов.