Сеткавае выданне zviazda.by

Кнігу аб выбарчай сістэме Беларусі перададуць удзельнікам Генеральнай асамблеі Сусветнай асацыяцыі выбарчых органаў (A-WEB), якая пройдзе ў Філіпінах, паведамляе БелТА са спасылкай на ЦВК Беларусі.

Натарыусы Беларусі 14 кастрычніка правядуць рэспубліканскую дабрачынную акцыю па бясплатным кансультаванні шматдзетных сем’яў і сем’яў, якія выхоўваюць дзяцей-інвалідаў, паведамілі БелТА ў Беларускай натарыяльнай палаце (БНП).

Чарговы раз Францыя ахоплена бунтамі. Цяпер на вуліцу выйшлі абураныя ліцэісты, студэнты, выкладчыкі, а таксама пратэст усё шчыльней абрастае тымі, хто спачувае. Справа не толькі ў дэфіцыце настаўнікаў, старых будынках і ўзрослай плаце за веды. У цэлым французская сацыяльна-эканамічная мадэль падаецца вельмі няўстойлівай. І ўжо Bloomberg называе гэту краіну слабым звяном Еўропы. Хоць складана сказаць, дзе ў ЕС моцныя элементы эканамічнага ланцуга?! Бо высокі ўзровень жыцця ў заходняй частцы саюза забяспечваўся доўгія дзесяцігоддзі за кошт нарошчвання дзяржаўнага доўгу, які ўжо зусім адарваўся ад эканамічных крытэрыяў. Бюджэт не можа забяспечваць ранейшых сацыяльных гарантый, а эканоміка не можа даць людзям заробак, які адпавядае іх запытам. Вынік — палітычны крызіс, які лавай бурліць унутры Еўрасаюза і ўсё часцей вырываецца вонкі маштабнымі вулічнымі акцыямі і пратэстамі.