Сеткавае выданне zviazda.by

У Беларускім дзяржаўным музеі гісторыі Вялікай Айчыннай вайны адкрылася незвычайная выстаўка, якая знаёміць з гісторыяй станаўлення гадзіннікавай прамысловасці СССР. Гэта сумесны праект з Музеем гадзіннікавай справы. У экспазіцыі прадстаўлена больш за 70 мадэляў, а таксама звесткі і фатаграфіі іх уладальнікаў — удзельнікаў Вялікай Айчыннай вайны.

Лепшыя распрацоўкі ўдзельнікаў рэспубліканскага маладзёжнага праекта «100 ідэй для Беларусі» будуць прадстаўлены на спецыялізаванай выставе ў рамках 31-га міжнароднага медыцынскага форуму «Ахова здароўя Беларусі — 2026», расказаў першы сакратар ЦК БРСМ Уладзімір Паўлоўскі, паведамляе БелТА.

Ноччу 28 красавіка ў многіх раёнах краіны чакаюцца замаразкі ад нуля да мінус 3 градусаў, аб’яўлена штармавое папярэджанне. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

За тры месяцы бягучага года ў сталіцы выканалі рамонт 80 балконаў. Пра гэта БелТА паведамілі ў ДА «Мінская гарадская жыллёвая гаспадарка».

У Мінску можа з’явіцца ўнікальнае інжынернае збудаванне — вантавы мост. Канцэптуальны праект прадставіў інстытут «БелдарНДІ» падчас урачыстасцяў, прысвечаных 75-годдзю Фрунзенскага раёна. 

Сёлета спаўняецца 30 гадоў з моманту ўстанаўлення дыпламатычных адносін паміж Рэспублікай Беларусь і Рэспублікай Таджыкістан. Увесь гэты час паміж краінамі былі даволі актыўныя культурныя кантакты, напрыклад, у канцы 2024 года з поспехам прайшлі Дні культуры Беларусі ў Таджыкістане. Зараз візіт у адказ, у рамках якога запланаваны маштабныя мерапрыемствы, што адбудуцца 27 і 28 красавіка. 

Змяненне клімату працягвае ўплываць на экасістэмы Усходняй Еўропы, і Беларусь — не выключэнне. Паводле звестак сюжэта тэлеканала АНТ, у найбліжэйшыя гады ў краіне можа з’явіцца новы, чацвёрты від змей. Прычына — паступовае павышэнне сярэднегадавых тэмператур, якое робіць тэрыторыю рэспублікі больш прыдатнай для цеплалюбівых відаў.

Інтэграцыя і графік кантактаў на вышэйшым і высокім узроўнях абмеркаваны на сустрэчы пасла Беларусі ў Расіі Юрыя Селівёрстава і намесніка міністра замежных спраў РФ Міхаіла Галузіна, якая адбылася ў Маскве 27 красавіка. Аб гэтым паведаміла БелТА са спасылкай на расійскае дыпламатычнае ведамства.