Сеткавае выданне zviazda.by

На мінулым тыдні беларускі біятлон неверагодна парадаваў сваіх аматараў. На базе Рэспубліканскага цэнтра алімпійскай падрыхтоўкі па зімовых відах спорту «Раўбічы» прайшоў Кубак наймацнейшых спартсменаў. Ужо сам факт правядзення гэтага турніру прынёс радасць, у Беларусі, шчыра кажучы, засумавалі па прыгожаму біятлону. А нашы спартсмены памножылі добры настрой і ўражанні — беларускія біятланісты заваявалі 12 узнагарод Кубка. Каб дадаць пазітыву і самім героям спаборніцтваў, у «Раўбічах» прайшло ўшанаванне спартсменаў, трэнераў і спецыялістаў, без якіх свята спорту было б немагчымым.

Мінск прымае Кубак мацнейшых па канькабежным спорце. 30 найлепшых беларускіх і 30 расійскіх спартсменаў на працягу трох дзён будуць паказваць сваё майстэрства і здзіўляць хуткасцямі. Арганізатары абяцаюць не толькі захапляльныя спаборніцтвы, але і яркае шоу. Даведаліся падрабязнасці.

Турнір тыдня. У «Раўбічах» завяршыўся галоўны старт сезона-2024/25 для беларускіх біятланістаў — Кубак мацнейшых спартсменаў. На дамашнім старце беларусы заваявалі 12 медалёў — па чатыры кожнай вартасці. Тры залатыя медалі сабраў Антон Смольскі, ён перамог у спрынце, пасьюце і мас-старце. Дзінара Смольская заваявала «серабро» ў спрынце і гонцы пераследавання. Дзмітрый Лазоўскі заняў другое месца ў мас-старце. Ілья Аўсеенка заняў трэцяе месца ў спрынтарскай гонцы, Сцяпан Данілаў — у гонцы пераследавання, Ірына Шаклеіна — у мас-старце. Акрамя таго, сямейны дуэт Дзінары і Антона Смольскіх перамог у сінгл-міксце, а Ганна Сола і Ілья Аўсеенка сталі ў гэтым відзе праграмы другімі. Гэтая чацвёрка таксама заняла трэцяе месца па выніках змешанай эстафеты. З такім выдатным выступленнем нашу каманду павіншаваў кіраўнік дзяржавы.

Беларускія дзяўчаты могуць усё. Яны здольныя нават на тое, што раней лічылася прэрагатывай сапраўдных мужчын. Маецца на ўвазе хакей. Жаночы хакей у нашай краіне набірае абароты з неверагоднай хуткасцю. І гэта вельмі красамоўна пацвердзіў Сусветны жаночы хакейны матч, які прайшоў у «Мінск-арэне».

«Мы ўсе родам з самба», — часта паўтарае Уладзімір Япрынцаў, трохразовы чэмпіён свету і чатырохразовы Еўропы, заслужаны трэнер Рэспублікі Беларусь, член выканкама Міжнароднай федэрацыі самба. За 100 гадоў свайго развіцця самба паспела сабраць пул моцных спартсменаў, чые прозвішчы вядомыя не толькі ў спартыўным свеце; абзавесціся войскам прыхільнікаў і сфарміраваць сваю ўнікальную філасофію. Прыводзіць прыклады з гісторыі можна доўга. Наглядным прыкладам з сучаснасці з’явіўся нядаўні міжнародны турнір па самба на прызы Прэзідэнта, які прайшоў у Мінску. Ён жа і стаў выдатнай нагодай разам з Уладзімірам Япрынцавым лепш даведацца пра гэты няпросты, але вельмі цікавы свет.

Героі тыдня. У Рэспубліканскім цэнтры алімпійскай падрыхтоўкі па зімовых відах спорту стартавалі міжнародныя спаборніцтвы па біятлоне «Кубак мацнейшых». З першых дзён турніру клас паказваюць і беларускія біятланісты. Дзінара Смольская заваявала сярэбраны медаль у спрынтарскай гонцы, у гонцы праследавання. Антон Смольскі выйграў спрынт. Яшчэ адзін беларускі спартсмен Ілья Аўсеенка стаў бронзавым прызёрам гэтай гонкі. Першым Антон Смольскі фінішыраваў і ў гонцы праследавання. Беларус Сцяпан Данілаў — на трэцім месцы.

Турнір тыдня. На базе Рэспубліканскага цэнтра алімпійскай падрыхтоўкі па зімовых відах спорту «Раўбічы» прайшоў фінал рэспубліканскіх спаборніцтваў па біятлоне «Снежны снайпер» на прызы Прэзідэнцкага спартыўнага клуба.

Знакамітыя гонкі «Four Seasons» сабралі сёлета каля 400 спартсменаў з Беларусі і Расіі для пераадолення складанай трасы на перасечанай мясцовасці.

Напружана і драматычна склаліся паядынкі фіналістаў чэмпіянату рэспублікі па хакеі на траве ў закрытых памяшканнях.

Жаночыя зборныя Беларусі і Расіі па баскетболе сустрэліся ў Мінску ў рамках Кубка Сямёна Халіпскага. Два спаборніцкіх дні, як гэта звычайна бывае ў жаночым баскетболе, атрымаліся насычанымі на разнастайныя эмоцыі.