Сеткавае выданне zviazda.by

У стартавы дзень рэспубліканскіх спаборніцтваў па біятлоне «Снежны снайпер» былі разыграны шэсць камплектаў узнагарод, паведамляе БелТА.

Вынікі працы за 2024 год і новыя сёлетнія задачы акрэслілі на калегіі Міністэрства спорту і турызму. Удзел у пасяджэнні калегіі прыняў намеснік прэм'ер-міністра Ігар Петрышэнка.

«У 2024 годзе я не стала чэмпіёнкай свету — заваявала бронзавы медаль. І вельмі гэтым засмучаная. Для мяне ў прынцыпе ўсё, што не „золата“ — тое дрэнна. „Серабро“ і „бронза“ для мяне — паражэнне», — сцвярджае 15-гадовая Кацярына Сахарава. З першага погляду можа здацца, што гэта звычайны падлеткавы максімалізм. Але толькі калі не ведаць, што Кацярына — двухразовая пераможца першынства свету, сярэбраны прызёр чэмпіянату Еўропы, пераможца першынства Беларусі, чэмпіёнка Кубка Залатога льва... па тайскім боксе. Здаровы спартыўны максімалізм, патрабавальнасць да сябе, упарты характар разам з надзейнай камандай дапамаглі ёй, нягледзячы на юны ўзрост, стаць паспяховай спартсменкай на рынгу і моцнай асобай па-за ім. Як такое магчыма ўсяго ў 15 гадоў, Кацярына Сахарава расказала «Чырвонцы. Чырвонай змене».

Мінулы сезон для беларускага плавання выдаўся дастаткова складаным і незвычайным. Незвычайнасць заключалася ў тым, што ў лютым праводзіўся пазачарговы чэмпіянат свету. Гэта істотна паўплывала на работу трэнераў і спартсменаў. Чэмпіянат адзначыўся бронзавым медалём Анастасіі Шкурдай на 200 метрах на спіне. Апошні раз беларускія плыўцы прывозілі медалі з чэмпіянату свету на алімпійскіх дыстанцыях у далёкім 2011 годзе. Складанасць мінулага сезона звязана з Алімпійскімі гульнямі, якія павялічваюць адказнасць у разы. Яны для беларусаў атрымаліся хоць і безмедальнымі, але прадукцыйнымі. Аліна Змушко выйшла ў фінал на стаметроўцы брасам, і Анастасія Шкурдай на 200 метрах на спіне. Напрыканцы года быў яшчэ адзін чэмпіянат свету ў 25-метровым басейне, дзе Ілья Шымановіч і Анастасія Шкурдай прынеслі два медалі ў скарбонку нашай зборнай. А яшчэ ў мінулым сезоне нашы плыўцы выступалі на трох этапах Кубка свету, дзе сумарна заваявалі 17 медалёў рознай вартасці. Галоўны трэнер нацыянальнай зборнай па плаванні Андрэй Ліпніцкі распавёў «Звяздзе», чаму навучыў мінулы сезон і чаго плыўцы чакаюць далей.

У Мінску стартуе Кубак Будучыні па хакеі. На лёдзе «Чыжоўка-арэны» сустрэнуцца зборныя Беларусі U18 і U20 і зборныя Расіі U17 і U18. Традыцыйны турнір, як адзначаюць спецыялісты, з’яўляецца ступенькай для росту маладых хакеістаў. Найперш таму, што гэта выступленне за краіну. Выклік у нацыянальную зборную — гэта не толькі вялікі гонар і давер, але і адказнасць. Падчас адкрытай трэніроўкі каманд, даведаліся, як нашы хакеісты будуць з ёй спраўляцца і чаго чакаюць ад турніру. Дарэчы, у 2023 і 2024 гадах пераможцамі Кубку Будучыні станавіліся менавіта беларускія хакеісты.

Канцэрн «Беллегпрам» стварае новую экіпіроўку для каманды «МАЗ-СПОРТаўта». Куратарамі праекта выступаюць вядомыя беларускія дызайнеры — галоўны мастак-мадэльер Дызайн-цэнтра ААТ «Камволь» Эльвіра Жвікава і мадэльер-дызайнер брэнда LEMONGRASS Алена Брыцька.

Міжнародны алімпійскі камітэт прызнаў вынікі выбараў Генеральнай Асамблеі Нацыянальнага алімпійскага камітэта Беларусі, паведамілі ў прэс-службе НАК.

Узначаліўшы ў 1997 годзе Нацыянальны алімпійскі камітэт, Прэзідэнт Беларусі Аляксандр Лукашэнка адной з прыярытэтных задач назваў уцягванне дзяцей і моладзі ў здаровы лад жыцця, умацаванне спартыўнага іміджу Беларусі. Для вырашэння гэтых задач былі неабходныя якасныя спартыўныя аб’екты, на якія дзяржава ніколі не шкадавала грошай. Паводле слоў кіраўніка дзяржавы, укладанні ў спорт — гэта будаўніцтва новых бальніц прынцыпова іншага віду. Так у краіне пачалося маштабнае будаўніцтва спартыўных аб’ектаў, пік якога прыйшоўся на 2004-2014 гады. На гэтым тыдні адзначаюць свае юбілеі адразу два спартыўныя аб’екты, пабудаваныя ў той перыяд і адкрытыя асабіста Прэзідэнтам.

Жаночы хакей — цікавы і непрадказальны — ужо не першы год развіваецца ў Беларусі. І ўжо дасягнуў таго ўзроўню, каб быць прадстаўленым на галоўнай спартыўнай арэне. Сусветны жаночы хакейны матч, які ўжо стаў добрай традыцый, 15 лютага прыме «Мінск-арэна». Арганізатары абяцаюць, што сёлета гэтая прыгожая спартыўная падзея збярэ рэкордную колькасць удзельніц з усёй краіны.

Сёння спаўняецца 20 гадоў з дня ўрачыстага адкрыцця рэспубліканскага гарналыжнага цэнтра «Сілічы». У афіцыйнай цырымоніі, якая прайшла 29 студзеня 2005 года, прыняў удзел Прэзідэнт Рэспублікі Беларусь Аляксандр Лукашэнка, паведамляе БелТА.